Внешэкономбанк Удмуртилэсь ӵектонъёссэ эскероз

Удмурт Дунне
By Удмурт Дунне 25 июля, 2018 17:45

Удмуртилэн Тӧроез Александр Бречалов Москвае вуылыкуз пумиськылӥз Внешэкономбанклэн кивалтӥсеныз Игорь Шуваловен.

Александр Бречалов Россиысь одӥгезлэсь бадӟым банклэсь кивалтӥсьсэ шаерамы улонэ пыӵатыны чаклам кӧня ке проектъёсын тодматӥз. Соос пӧлысь одӥгез — Ижысь Шор площадез выльдон. Матысь 2 ар ӵоже Ижевсклэн та люкетэз быдэсак воштӥськыны кулэ. Площадь выльдонэз кутсконлы «Комфортная городская среда» программая 85 миллион манет висъямын луоз.

Вуоно арын та ужъёсты азьланьтыны чакламын инвестициос чотын. Александр Бречалов оскемзэ вераз Внешэкономбанк та проектэз улонэ пыӵатыны юрттоз шуыса. Озьы ик пумиськонын вераськон мынӥз Иж тыметлэсь уйпал ярдурзэ тупатъян-чебертон сярысь. Тазэ проектэз быдэстыны кулэ 1,2 миллиард манет. Коньдон сюрысал ке, отын кайта 2-тӥ кварталэ ужъёсты кутскыны быгатысалзы ни.

Элькунмылэн Тӧроез банклэсь кивалтӥсьэ уртче тупатъяны ӧтиз Ижысь аэропортэз но.

Игорь Шувалов ваньзэ ӵектонъёсты рос-прос эскерыны оскытӥз. Со верамъя Удмурт Элькунлэн но Внешэкономбанклэн азьланяз валче ужаны луонлыкъёсыз паськытэсь.

Сергей Захаров

Туспуктэм: udmurt.ru

Удмурт Дунне
By Удмурт Дунне 25 июля, 2018 17:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<