Ужбергатӥсьёслы кусыпъёс тупатыны юрттозы

Удмурт Дунне
By Удмурт Дунне Июль 27, 2018 15:45

Сбербанклэн Удмуртиысь ёзэтэз но Элькунэз азинтонъя корпорация валче ужанъя огкыл тупатӥзы.

Тупанкылын гожтэмын банк но огазеяськон Удмуртиысь ужбергатӥсьёслы но предприятиослы продукцизэс капчиятэм амалэн вузаны луонлыкъёс кылдытозы шуыса. Ортчытъялозы семинаръёс но кенешонъёс. Пумиськонъёс радъяса, кунгож сьӧрысь огазеяськонъёсын кусыпъёс тупатонлы сӥзем ужпумъёсты эскерозы. Мукет странаосысь оскымон фирмаосты шедьтыны но соосын уртче ужаны юрттоз Интернетысь Bank of Business Partners (www.bankofpartners.com) нимаськись площадка.

Со сервис пыр элькунысь предпринимательёс дуннелэн котькыӵе сэрегаз ужась предприятиен огкыл тупатыны, удыссэс но кусыпъёссэс трослы паськытатыны быгатозы, шуэ Сбербанклэн Удмуртиысь ёзэтэныз кивалтӥсь Сергей Коновалов.

Элькунэз азинтонъя корпорацилэн кивалтӥсез Дмитрий Генералов верамъя, Интернетысь та площадка Удмуртиысь огазеяськонъёслы продукцизэ вузанъя выль рынокъёс шедьтон ласянь туж умой инты луэ. Со оске, мукет кунъёсын кусыпъёс тупатон но уртче ужан учыръёс ӝоген луозы ни шуыса.

Банк та платформазэ кылдытӥз 2017-тӥ арын. Отын ужбергатӥсьёс асьсэ сярысь иворъёс, продукцизы пумысен ӵектонъёс интыяны быгато. Та дырлы интернетплощадкаын пусйиськемын Россиысь, Китайысь, США-ысь, Индиысь, Великобританиысь но мукет кунъёсысь 12 сюрс пала фирмаос. Соосын 7,5 сюрс пала ӵектонъёс сётэмын.

Сергей Захаров

Туспуктэм: udmurt.ru

Удмурт Дунне
By Удмурт Дунне Июль 27, 2018 15:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<