Удмуртиысь пенсионеръёс пыриськозы Россиысь спартакиадае

Удмурт Дунне
By Удмурт Дунне Июль 31, 2018 11:28

Глазовын ортчиз Удмуртиысь пенсионеръёслэн спартакиадазы. Отын ӵошатскизы 24 гурт но 5 город командаос.

Элькун спартакиадаын кужымзэс мертазы пӧртэм арлыдо 400 пала спортсменъёс. Тужгес егитэзлы 55 арес. Нош 2-езлы ӵошатскисьёслы, Камбаркаысь Виктор Сарамудлы но Глазовысь Наталья Асеевалы, 83 арес тырмемын ни.

Люкаськемъёслы, вормонъёс сӥзьыса, вазиськизы спортъя, физкультурая но егитъёсын ужан политикая министр Наталья Гольцова, Глазовлэн йырыз Олег Бекмеметьев, мукет кивалтӥсьёс но тодмо адямиос. Кызьы пусйиз Наталья Гольцова, арлыдо спортсменъёс Удмуртилэн данъяськонэз луо.

Ветеранъёс ӵошатскизы капчи атлетикаын, уянын, ӝӧк выл теннисэн но шахматэн шудонын, ыбылӥськонын. Командаос пӧлын вормисьёсты бырйизы, вань удысъёсын басьтэм медальёсты лыдъяса.

Озьы городъёс пӧлын 1-тӥ луиз Ижевск, 2-тӥ — Глазов, 3-тӥ — Вотка. Ёросъёсысь командаос пӧлын ваньмызлэсь трос медальёс басьтӥзы шарканъёс, 2-тӥ интые потӥзы дэриос, 3-тӥ — вавожъёс.

Тужгес трос вормонъёс басьтэм спортсменъёс табере Удмуртилэн огазеям командаяз пырозы. Cоос элькунмылэсь данзэ утёзы 20-тӥ гудырикошконэ Россиысь пенсионеръёслэн Новосибирскын ортчоно спартакиадаязы

Сергей Захаров

Туспуктэм: udmurt.ru

Удмурт Дунне
By Удмурт Дунне Июль 31, 2018 11:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<