Пенсие потыны дасяськисьёсты ужысь уллямъёсты кыл кутытыны чаклало

Удмурт Дунне
By Удмурт Дунне 27 июля, 2018 11:27

Пенсие потон арлыдзы матэктэм кунмуртъёслэсь правооссэс утёнъя ужрадъёс кутӥськозы, ивортэ Россиысь ужъя министерстволэн пресс-службаез.

Документлэн проектаз вераськон мынэ арлыдо адямиослэсь ужъя правозэс утён пумысен, уже интыянъя ёзэсъёслэн соослы юрттон амалъёссы сярысь. Чакламын пенсие потыны дасяськисьёслэн правооссыя «пӧсь линия» усьтыны.

Отын ик гожтэмын уж сётӥсьёс понна чаклам кылкутонъёс сярысь. Пенсие потымтэ арлыдо муртэ, законэз тӥяса, ужысьтыз уллям понна уголовной кылкутон но чакламын.

Минтрудлэн планаз озьы ик пусъемын ужан интытэк кылем арлыдо адямиослы пособиосты будэтоно шуыса. Соослы выль профессиос басьтыны но юрттозы.

Эскериське, кыӵе арлыдэз законъя предпенсионной лыдъяно шуыса. Та категорие пыртыны ӵекто пенсие потонзы дырозь 2 ар кылем муртъёсты.

Документлэсь проектсэ дасяса вуттыны чаклало июль пумозь. Сое эскерыны сётозы Россиысь улон-вылон но уж кусыпъёсты радъянъя комиссилы. Отчы пыро профсоюзъёс но уж сётӥсьёс. Планэз дасясьёс соослэсь ӵектонъёссэс витё.

Сергей Захаров

Туспуктэм: «Удмурт дунне» газетлэн архивысьтыз

Удмурт Дунне
By Удмурт Дунне 27 июля, 2018 11:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<