Кызьы азинтоно анай кылмес?

Удмурт Дунне
By Удмурт Дунне Июль 4, 2018 15:15

Программист Виталий Пронин удмурт кылэз улонын но, вотэсын но азинтон пумысен малпанъёссэ шараяз. Али, пе, кылдытоно удмурт кыллэсь корпуссэ но удмурт-ӟуч, ӟуч-удмурт электрон кыллюкамъёс. Та бордысен кутскид ке, азинтыны луоз мукет удысъёсты но.

Виталий Пронин матысь аръёслы концепция гожтӥз, мар кароно асьмелы. Валамон, отысь троссэ дэмланъёсты быдэстон понна кулэ тодӥсь-валась специалистъёс, лингвистъёс, озьы ик трос кужым, мылкыд но уксё. Шуом, удмурт кыллэсь корпуссэ кылдытон понна уно книгаосты, удмурт текстъёсты оцифровать кароно. Умой, корпусэз кылдытон борды али  басьтӥськизы ни Историяя, кылъя но литературая Удмурт институтысь тодосчиос. Матысь дыре потоз ини ӟуч-удмурт кыллюкам, сое электрон амалэн но лэсьтоно шуыса, дурбасьтӥз Йӧскалык политикая министерство.

— Корпус кылдӥз ке, трос пӧртэм мукет ужъёс но интыысьтызы вырӟозы, — шуэ Виталий Пронин. — Кылсярысь, пӧртэм кыллюкамъёс лэсьтон, электронной библиотека кылдытон, онлайн-переводчикез умоятон. Ваньмыз та тодосчиослэсь ужзэс но капчиятоз.

Виталий Пронин чӧлске Коми шаер вылэ, отын трос аръёссэ ужа ни коми кылэз информатизировать каронъя центр, кылысь кылэ берыктӥсьёслэн бюрозы. Таӵе центр кылдысал ке Удмуртиын но, соку удмурт кыл чалякгес азинскысал. Озьыен, мар эшшо кылдытыны дэмла на Виталий Пронин?

— удмурт кылын вотэс бамъёсты лэсьтонъя дэмланъёс;

— видео-, аудио- но мукет материалъёсын корпус;

— шонер гожъяськонэз эс-керонъя сӧзнэт;

— топонимикая но улосвылъя вотэс бамъёс;

— удмурт кылэз, литератураез, шаертодонэз, историез электрон амалэн дышетон;

— кылысь кылэ берыктонэн ужась бюро но мукет.

Кылиз на мылкыд карись адямиосты шедьтыны но уж борды кутскыны.

Мария Векшина

Удмурт Дунне
By Удмурт Дунне Июль 4, 2018 15:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<