Ижысь Машиностроительёслэн посёлоказы бадӟым пу корка ӝуаз

Удмурт Дунне
By Удмурт Дунне 19 июля, 2018 13:21
в контакте ИГГС

Бадӟым тылпу кыдёкысен адскиз

Кылем уйин 0 час 15 минутэ тылпу кысӥсьёслы ивортон вуиз, Ижысь Машиностроительёслэн ульчаязы тылпу потӥз шуыса. Пожарнойёс отчы вуыку, тыл быдэс баракын сямен кузёяське вал ни: горд атас сярысь бер ивортӥллям. 8 квартираем юртэз кысонэ пыриськизы 75 пожарнойёс.

Коркась потэм адямиос ивортӥзы, 2-тӥ этаже кышномурт но воргорон кылемын, ӧс доръёссы быдэс тылэн басьтэмын шуыса. Тыл пушкысь нылкышноез но пиосмуртэз  пожарнойёс, 3 люкетъем тубатсэс пуктыса, поттӥзы. Нокин бырыны ӧз шедьы.

Но вӧсь луизы тылпу кысӥсь но полицейской. Корка пушкын маке зол пуштэм но, пожарной тубатэн ӵош зол усем. Кызьы Интернет вотэсын гожъяло учырез адӟисьёс, соку ик юрт бордысь палдэм кор полицейскоез но шуккем.

Нырысь ваньмыз малпазы вал, газ баллон озьы пуштӥз шуыса. Но кызьы ивортӥзы МЧС-лэн элькунысьтымы Валтӥсь управлениезлэн пресс-службаяз, али меӵак озьы вераны уг луы. Мар со вал но ма муген кенжиз корка, эскеро на.

Улон интытэк кылем муртъёс огдырлы Ижысь Ленин ёросысь огаз школае интыямын.

Эдуард Степанов

Туспуктэм: в контакте сетьысь Ижевск Где Гай Стоят (ИГГС) группаысь

Удмурт Дунне
By Удмурт Дунне 19 июля, 2018 13:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<