25 ар ортчыса выльысь мотоциклъёсазы пуксёзы

Туэ 25 ар тырме «Ижевск — Кейптаун» мотопробег ортчем дырысен. Ижын поттэм мотоциклъёсын ЮАР-е соку ворттылэмъёс выльысь люкаськозы но сюрес вылэ потозы.

1993-тӥ арын 30-тӥ коньывуонэ Удмуртилэн шоркарысьтыз 6 мотоциклъёс, Москвич но Камаз машинаос вырӟизы Африкае. Пробеге пыриськисьёс потӥзы Европаысь, Азиысь, Африкаысь 15 кунъёс пыр. 20 сюрс иськем сюресэз отчыса, 1994-тӥ арын 31-тӥ южтолэзе вуизы ЮАР-лэн шоркараз, Кейптаунэ.

17-тӥ-19-тӥ гудырикошконэ мотопробеге пыриськисьёс выльысь сюрес вылэ потозы. Но сокеме уз мынэ ни. «Кочевники МСС» мотоклублэн ёзчиосыз кичӧлтэмъя

радъям 3 нуналъем мотопробег ортчоз Удмуртитӥ, Татарстантӥ но Пермь улосвылтӥ.

Городъёсын но гуртъёсын пумиськонъёс ортчозы. Соос дыръя калыклы 25 ар талэсь азьло ортчем мотробег сярысь мадёзы, вуж туспуктэмъёсын но документъёсын адӟытонъёс луозы. Мылкыд карисьёс понна мастер-классъёс ортчытозы. Озьы ик «Ижтехмаш» огазеяськон аслэсьтыз мотоциклъёссэ но мукет техниказэ возьматоз.

Эдуард Степанов

Туспуктэм: minsport18.udmurt.ru