Янгыш: Йӧназъяно-а? Йӧнатоно-а?

Удмурт Дунне
By Удмурт Дунне Июнь 26, 2018 16:00

1-тӥ июне Ижкарын усьтӥськиз Реабилитацияя элькун центр. Сак лыдӟисьёсмылэн син шоразы усиз учрежденилэн вывескаез. Центрлэн удмурт нимызлэн пуштросэз туж валантэм.

Калык (общественность) малпамъя, тупамонгес луысал: «Ӧлексы нылпиослэсь но быдэ вуымтэослэсь тазалыксэс тупатонъя элькун центр». Таӵе ӵектонэн ми вазиським Удмурт Элькунысь Нациосын ужан политикая министерствое. Уго 2001-тӥ арын кутэм «Удмурт Республикаысь кун кылъёс но мукет выжы калыкъёслэн кылъёссы сярысь» законъя ӵапак та ведомстволы оскемын учреждениослэн нимъёсынызы вывескаосты, бланкъёсты, печатьёсты, штемпельёсты, штампъёсты удмурт кылэ берыктыны. Та ужез специалистъёс быдэсто 10 нунал куспын, дун курытэк.

Та нуналъёсы Нациосын ужан политикая министерствоысь вуиз таӵе валэктон.

«Туж бадӟым тау лыдӟисьёстылы сак луэмзы понна но Тӥледлы ми доры вазиськемды понна. Центрлэн кивалтӥсез Лариса Владимировна Руденко вазиськылӥз Удмурт Элькунысь Йӧскалык политикая министерствое, ужъюртлэсь нимзэ берыктыны курыса, 2018-тӥ арын южтолэзе. Соку сётэмын вал таӵе берыктон: «Ичиятэм луонлыкъёсын нылпиосты но быдэ вуымтэосты йӧназанъя элькун центр» Удмурт Элькунысь мерлыко юрттос сётонъя аскивалтӥсь ужъюрт. «Адели» йӧназанъя центр».

Ужъюртлэн удмурт кылын нимыз — «Ичиятэм луонлыкъёсын нылпиосты но быдэ вуымтэосты йӧназанъя элькун центр» — юнматэмын на вал 2011-тӥ арын Удмурт кылын нимкылъёсъя но шонер гожъяськонъя элькун ӧрилэн кенешоназ. Озьы ке но кыл — со луло маке: со воштӥське, азинске, кыллэн катъёсызлы тупась выль кылъёс пыӵало, тупамтэосыз кылысь кошко. Соин калыкен дэмлам ним — «Ӧлексы нылпиослэсь но быдэ вуымтэослэсь тазалыксэс тупатонъя элькун центр» — одно эскеремын луоз ӧрилэн матысь ортчоно кенешоназ.

Жаляса верано, ӵемысь, вывескаез лэсьтыку, удмурт кылэз ӟеч тодымтэен, вывескае янгышъёс пуксё. Центрлы одно дэмламын луоз вывескаез тупатыса воштыны».

Нош кытысь потӥз «йӧназан» кыл? Та пумысен Нациосын ужан политикая министерство чӧлске Удмурт кылын нимкылъёсъя но шонер гожъяськонъя элькун комиссия вылэ. Татын, пе, «реабилитация» кылэз «йӧназан» шуыса юнматӥзы.

Кылдэм югдур пумысен ми азьвылгес ивортӥм ни Реабилитацияя элькун центрлэн кивалтӥсезлы Лариса Руденколы. Лариса Владимировна туж ӝожомиз янгыш пумысен. Уго кивалтӥсь удмурт кылэз уг тоды, оскиз, ваньмыз ӟеч лэсьтэмын луоз шуыса. Нош вывескаез воштон 20 сюрс манет сылэ. Тырмоз-а нылпиосты эмъясь учрежденилэн коньдонэз нимзэ тупатыны?

Юбер кышно

Удмурт Дунне
By Удмурт Дунне Июнь 26, 2018 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<