Валтӥсь редактор Зинаида Рябинина: Витьтон вить? Пенсия эн вить…

Удмурт Дунне
By Удмурт Дунне Июнь 22, 2018 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Анай кыл — дуно, футбол — дано, но ваньмыз со огшоры калыклэн сюлмаськон радъёсаз кытчы ке вужере кыле, угось пенсие потон арлыдэз будэтон сярысь ивортон тыбыре ӵогъялтэм кадь чузъяськиз.

Со сярысь 14-тӥ инвожое (июне) вераз Россиысь Правительстволэн Тӧроез Дмитрий Медведев. Нырысь-валысь мазэ ке ӧй вала кожай — пенсие потон арлыдэз будэтон сярысь, бен, кемалась вераськылӥзы ни, но шуак сомындалы (8 арлы!) нылкышноосты «пиналмытон» укыргес кадь. Калык, пе, табере кема улэ, пинал возиське, доразы пукемзы тросэзлэн уг поты, ужаны тыршо… Туж умой. Но малы тодымтэ улсы кариськонэз, мар муген калык ужаны тырше? Мӧзмемезлэсь-а, мар-а? Асьме калык ужлэсь ку ваньмылӥз ни — губырскытозязы бакчаязы бугыръясько, внукъёссэс будэто. Нош садик-мар сюре ке, коть вахтёре-выж миськисе ке но, коть 6 сюрс манетлы ке но, ӝогак интыяськыны тыршо — ӧжыт ке но азьлань!

Ӵекто льгота кельтыны югдурез утисьёслы но секыт (кышкыт) производствоын ужасьёслы. Гурт удысын тыршисьёс, конечно, отчы уг сюро… Ну кызьы сузмем ёзвиосыныз 63 аресозяз скал кыскоз доярка, яке 1-тӥ январёзь милям котькуд фермаын роботъёс луозы? Кызьы 65 аресозяз тракторын тол но, гужем но зурканы кулэ арлыдо воргорон, тросэз со арлыдозь уг но уло ке? Городын компьютер сьӧрын пукыса ужасьёсын нокызьы но уд ӵошаты ук! Ай компьютер но ачиз уг ужа, адямилэсь йырзэ уд вошты, нош со куддыр висьылэ. Иське, адямиос ӵемгес больничное поталозы. Но соку таизлы кытысь уксё? Уж сётӥсь (работодатель) чотын? Нош малы кивалтӥсьлы сыӵе ужась? Озьыен, будоз ужтэк кылемъёслэн яке инвалидъёслэн лыдзы? Нош таосызлы кытысь пособие? Оло, Захарченкоослэсь-кинлэсь миллиардъем ватосъёсысьтызы, «пурысь» конвертъёсысь?

Кун Дума законэз сӥ-зьыл кутыны кулэ ни, али сое котыр ласянь эскерозы на, пе. Небӟытозы-а, уз-а, шӧдскымон пӧртэмлыкез уз луы ни, вылды, соин ик вунэтэ арлыддэс.

 

Удмурт Дунне
By Удмурт Дунне Июнь 22, 2018 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<