Удмуртиын ог 10 поисковой огазеяськонъёс ужало

Удмурт Дунне
By Удмурт Дунне 26 июня, 2018 09:32

Кылсярысь, Ижысь «Долг», Глазовысь «Феникс», Балезиноысь «Патриот», Нылгаысь «Штурман», Можгаысь «Набат памяти» но мукетъёсыз. Со сяна, Быдӟым ожын быремъёсты утчанэ пырисько студентъёслэн выль кылдэм огазеяськонъёссы.

Та кулэ ужен тунсыкъяськисьёс ялан йыло. Элькунамы студентъёслэсь поисковой огазеяськонъёссэс кылдытонъя но азинтонъя проект ужаны кутскиз. Соин кивалтэ «Долг» огазеяськонлэн тӧроезлэн воштӥсез Наталья Суетина.

Котькуд тулыс сямен ик, туэ но элькунысь ваньмыз поисковикъёс потазы Ленинград улосвылэ. Глазовысь огазеяськон утчаськиз Киров районын. Экспедицизы нимаськиз «Вороново-2018». Мукетъёсыз отрядъёс Тосненской ёросэ вуылӥзы. Отын «Любань-2018» экспедиция ортчиз. 2-езлы ик утчаськон ужрадъёслы ним сётэмын Быдӟым Отечественной война вакытэ ӟырдыт ожъёс ортчем интыосъя.

Глазовъёс Санкт-Петер-бургысь эшъёсынызы ӵош 14 ожгарчиослэсь лысьӧмъёссэс поттӥзы. 5-езлэн арбериосазы нимтулъёссы пусъемын. Али эскерон уж нуиське кытысь но кин луэмзэс тодон понна. Оглом со палъёсысь туэ 68 солдатъёс шедьтэмын но сӥё-дано ватэмын вал.

«Любань-2018» экспедицие пыриськисьёс 118 бырем солдатъёс понна сыӵе ужрад ортчытӥзы. Соос полысь 28-сэ Любань палась ож бусыысь шедьтӥзы Удмуртиысь поисковикъёс. 4-езлэн солдатъёслэн бордазы пуньыоссы вылӥллям, отысь ӵабъям букваосты но лыдӟыны луэ ай. «У.Н.А.», «И.И.И», «Ч(У).М.Т.», «Пышк…» гожтэмын.

Кызьы пусйиз Наталья Суетина, али Смоленск, Тверь, Новгород улосвылъёсысь яке Карелиысь ож бервылъёсы потан пумысен малпасько. Экспедицие мынэмзылэсь азьло трос документъёсты эскероно на.

Эдуард Степанов

Удмурт Дунне
By Удмурт Дунне 26 июня, 2018 09:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<