Терапевт Любовь Морозова: Шуныт кыл но эмъя

Удмурт Дунне
By Удмурт Дунне 19 июня, 2018 09:44

Терапевтлэн Любовь Морозовалэн ужъя книжкаяз одӥг гинэ ужан инты пусъемын — Ижысь автозаводлэн больницаез. Татын со 36-тӥ арзэ тырше ни. Шуэ: эмъюм сяна, тазалыкез шуныт кыл но тупатыны юрттэ.

Терапевт Любовь Морозова: Егитъёс, бадӟымгес уксё сьӧры уйиськыса, кыл кутонлэсь кышкаса, сюбег удысъёсы кошко, кылсярысь, косметологие. Соин сюлэмы висе медициналэн вуоно нуналыз сярысь.

— Анай-атае эмчиос ӧй вал ке но, пичиысен ик, мунёен шудыкум, врач луо шуисько вылэм, — вера Л. Морозова. — Школаез йылпумъяме бере Ижысь медициная институтэ пыроно кариськи, но 1 но ӝыны баллэ ӧз тырмы. Ӧй ӝожомы, вуоно аре документъёсме выльысь сёто, малпай. Быдэс ар математика, физика, биология предметъёсъя курсъёсы ветлӥ. Та бӧрсьы институтэ пырыны быгатӥ. Дышетскыны секыт вал ке но, выльзэ тодыны котьку кельше вал, ӟеч дышетскисьёслэсь уродгес луэм уг поты вал. Бадӟым курсъёсын специализациез быръёно вал, малпасько вал гинеколог луыны. Но кызьы ке вань списокъёсты сураллям но, мон вуоно терапевтъёс пӧлы сюриськем. Чик уг жаляськы — уже сюлэмыя луиз.

Институт бере монэ распределениея Свердловск улосэ келяны кулэ вал, но сокугес гинэ кузпалъяськимы. Озьы Удмуртие ик кельтӥзы. Кӧня ке улыса, нырысетӥ нылпимы вордӥськиз.

Институтын дышетскыкум, интернатураме Ижысь автозаводлэн больницаяз ортчи. Отчы ик ужаны интыяськи, табере 36-тӥ арзэ татын ужасько — койкае кельтэм висисьёсты эмъясько.

Арысь аре адямиос больницае секытгес но секытгес висёнъёсын сюро. Татын вань, дыр, трос пӧртэм мугъёсыз: со улон-вылонлэн огъя ӟечлыкез но. Собере тани берло дыре кӧня больницаос оптимизациен сэрен ворсаськылӥзы. Висисьёс нунал куспын врач доры сюрыны уг быгато. Ӵемысь койкае шедемезлы ачиз но адями янгыш — тазалыкез понна азьлапал ик сюлмаськыны тодаз уг лыкты.

Но врач, адямилэн кин кытысь луэмез шоры учкытэк, ваньзэс огкадь эскерыны кулэ. Эмъюм борды шуныт кылъёсты но жаляны уг яра. Угось куд-ог учыръёсы тазалык тупатскыны ӧдъя сюлмысь вераськемлэсь, пальпотэмлэсь гинэ но.

Жаляса верано, али больницаямы врачъёс уг тырмо. Туала врач вылэ укыр трос уж куштэмын — висисез но вакчи дыр куспын эмъяса вуттоно, бумагаос но гожъяно. Егитъёс, бадӟымгес уксё сьӧры уйиськыса, кыл кутонлэсь кышкаса, сюбег удысъёсы кошко, кылсярысь, косметологие. Соин сюлэмы висе медициналэн вуоно нуналыз сярысь.

Ангелина Снигирёва
Туспуктӥз автор

Удмурт Дунне
By Удмурт Дунне 19 июня, 2018 09:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<