Шаерамы ӟеч выжыысь скал вордӥсь 42 племпредприятиос лыдъясько

Удмурт Дунне
By Удмурт Дунне Июнь 26, 2018 13:03

Туннэ шаерамы ӟеч выжыысь скал вордӥсь 42 племпредприятиос лыдъясько. Ужаны быгатэмзы бордысь потоз, возиськозы-а соос азьланяз.

Али 20 процентэзлэн гинэ племенной лыдъяськись сюроослэн документъёс вань.

Туэ шаерысьтымы 20 племпредприятиослы выльысь аттестация пыр потоно, сотэк статуссэс юнматэмзы уз луы. Лицензия угось 5 арлы сётӥське. «Удмуртплем» огазеяськонлэсь но Ува ёросысь «Авангард» СПК-лэсь ужаны быгатэмзэс комиссия дунъяз ни — Москва лицензия сётӥз.

Племенной предприятиослы туннэ бадӟым оскон. Туэ нырысетӥ квартал ӵоже угось татын 61 сюрс 972 тонна йӧл кыскизы. Со шаерысьтымы вань кыскем йӧл пӧлысь 37,6 процентэз луэ. Кылем арысь та вакытэн ӵошатыса, со лыдпус 5 сюрс 8 тонналы уногес. Котькуд скаллэсь шорлыдын 1 сюрс 788 килограммлы йӧл уногес кыскемын. Тужгес трос йӧл сётӥз Алнаш ёросысь «Палэп» хозяйство — 2 сюрс 280 килограмм. Солэсь воксё кӧня ке граммлы гинэ бере кылемын Вавож ёросысь «Жуё-Можга» СПК, Шаркан ёросысь «Кипун», Глазов ёросысь «Коммунар», Эгра ёросысь «Чутырский» хозяйствоос но Шарканысь Н. Собинлэн фермер хозяйствоез.

Со сяна, хозяйствоос базазэс юнмато. Кылсярысь, иммуногенетической экспертиза лэсьтонъя лабораториос усьяло, селекциен выронзэс паськытато.

Гурт удысъя но сиён-юонъя министр Ольга Абрамова пусъемъя, азьланяз чакламын котькуд пудо йырлы нимысьтыз электронной идентификацияя чипъёс пуктылыны. Сыӵе пусъёсъя электронной книгаез лэсьтонъя Удмуртия Россиысь 11 усто улосъёс пӧлы пыре. Озьы котькуд вордскем кунянлы я шаерамы палэнысь басьтыса ваем выль животлы нимысьтыз номер сётӥське. Али 200 сюрс номер вань ни. Вуоно арысен котькуд пудоез нимысьтыз чаклалозы, котькудӥзлэсь кыӵе выжыысь потэмзэ учкозы. Али угось 20 процентэзлэн гинэ племенной лыдъяськись сюроослэн документъёс вань. Азьланяз котькуд хозяйствоысь кунянлы но скаллы электронной номер сётъялозы. Со номеръя адӟиськоз: ку вордӥськемын пудо, кыӵе прививкаос солы пуктылэмын, марлэсь эмъямын, кыӵе солэн тазалыкез но мукетыз. Гуртоослэсь но пудозэс озьы пусйыны чакламын.

Елена Сараматова

Туспуктэм: udmdunne.ru

Удмурт Дунне
By Удмурт Дунне Июнь 26, 2018 13:03
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<