Ма дӥсяно выпускной ӝытэ?

Удмурт Дунне
By Удмурт Дунне Июнь 25, 2018 16:27

Дарали Лели дизайнерлэн малпам дӥсез/ Туспуктӥз М. Агафонов

Выпускной ӝытэ одно ик тужгес но чеберез луэм потэ. Мар меда нылъёслы но пиослы дӥсяны ӵекто таяз аре дизайнеръёс?

Нылъёс

Таяз аре вылӥ дунъясько кузь дэремъёс, соос тонэ ненег но мусо каро. Кыӵе буёл быръёно? Туннэ артэ вамышъяло горд, нап-горд, лыз, курень но бусӥр буёлъёс. Озьы ик катанчи сьӧры уз ватске дышем сьӧд но тӧдьы дэремъёс. Модельеръёс таяз аре ало дӥсяны чильк-вальк кисьтаськись но вылысьтыз-вылаз пужыосын платтяосты.

Озьы ке но нылаш та ӝытэ туж огшоры луыны ӧвӧл кулэ. Дэрем борды пель угыос я весь, пыдкутчан но сумка валаса быръёно.

Пиос

Пиослы но тупалозы тузӥ костюмъёс. Тужгес но — яркыт-лыз буёлоосыз. Сыӵеосыз дуно адӟисько. Нош сьӧд костюмез выпускной ӝытэ сяна но дӥсяны луоз. Озьы ик модельеръёс шуо: аспӧртэмлыко луоз, пиджак улэ жилет дӥсяса. Таяз аре модаын луо стрелкаосын брюкиос. Тунсыко адӟиське 2 чурен бирдыё пиджак но. Тужгес но чебер соос пуко ӝужыт но веськрес пияшъёс вылын. Огшоры классической туфли сяна, луэ кутчаны лоферъёс я слиперъёс. Сак луоно, галстук бырйыку, малы ке шуоно соос воштыны быгато быдэс тустэс. Тунсыко адӟиськоз кӧжыё бубыли, вӧзаз эшшо горд носки дӥсяды на ке… Озьы ке но эсэпсэ шӧдоно, та ваньмыз серем медаз луы. Пӧсь гужем ӝытэ сьӧд очки понӥды на ке, вотэсын одно ик усто туспуктэмъёсты луозы.

***

Нылъёс-пиос, эн вунэтэ: юн вамышъям, тыбырез шонер возем тӥледыз эшшо но чебергес каро. Шунды кадь мыняды на ке, шорады учкисьтэмез уз луы ни, уго чеберлык вылтусын гинэ ӧвӧл, пуш дуннеын но.

Ульяна Вахрушева

Удмурт Дунне
By Удмурт Дунне Июнь 25, 2018 16:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<