Кызьы Сарапулын удмурт кылъя курсъёс ужало

Удмурт Дунне
By Удмурт Дунне Июнь 20, 2018 12:31

Вераны кулэ: Сарапулын ог 100 сюрс улӥсьёс пӧлысь 3,7 процентэз гинэ — удмуртъёс. Соос но тросэз ӟучомемын ини.

Сарапулысь библиотекаын удмурт кылэз дышето.

Озьы ке но бадӟым мылкыд вал асьме дорын удмурт кылэз дышетонъя курсъёс усьтыны. Элькунысьтымы Нациосын ужан политикая министерство кичӧлтэмъя та уж интыысьтыз вырӟиз. Туэ тулыспалэ удмурт кылэз дышетэм 15 адямиос басьтӥзы сертификат, сомында ик мурт курсъёсыз йылпумъяз оштолэзе. Туж мыло-кыдо, пӧртэм амалъёс утчаса, удмурт кыллы дышетэ Светлана Николаевна Толмачёва. Ӟуч карын со ласянь но шугъяськон — ӧвӧл удмурт кыллы дышетӥсьёс.

Нош ми, «Удмурт Кенеш» огазеяськонлэн Сарапул карысь ёзысьтыз азьветлӥсьёс, курсъёсы ветлӥсьёс понна тыршимы на пӧртэм ужрадъёс пыр возьматыны, шараяны удмурт лулчеберетлэсь аспӧртэмлыксэ, удмурт калыклэсь сям-йылолъёссэ. Сяртчыен кокрок (тоторо) но перепеч пӧранъя мастер-класс ортчытӥмы, «Удмурт корка» сэрегамы возьматӥмы корка пырон йылолэз. Оштолэзе радъямы Ашальчи Окилы сӥзем «Мон тодам вайисько» кылбур ӝыт. Солэсь азьвыл «Данъяськомы нылкышноез» ужрадын лыдӟимы удмурт нылкышно кылбурчиослэсь Ашальчи Окилэсь, Лидия Черновалэсь, Галина Романовалэсь, Зоя Трухиналэсь но Юлия Байсаровалэсь кылбуръёссэс. Туж паймытӥзы Кам сьӧрын быдэсмем удмурт нылкышноосмы бигер-башкир гуръёсъя тэтчаменызы но жин-жин кырӟаменызы — кырӟанъёссылэн кылъёссы удмурт, нош гурзы бигер. Та ужрад пумын кенешим, гужем Сарапулын одно ик Гербер ортчытомы шуыса.

Раиса Трофимова, «Удмурт Кенеш» огазеяськонлэн
Сарапул карысь ёзэныз кивалтӥсь

Удмурт Дунне
By Удмурт Дунне Июнь 20, 2018 12:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<