Книга сярысь: Лыдӟисько-а шудо адямиос?

Удмурт Дунне
By Удмурт Дунне Июнь 26, 2018 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Аньес Мартен-Люган Интернетэ поттӥз «Счастливые люди читают книжки и пьют кофе» романзэ (12+). Кӧня ке нунал куспын со туж тодмо луиз.

30 аресъем француженка А. Мартен-Люган гожтӥз нылкышнолэн шудо луэмез сярысь. Дианалэн, валтӥсь героинялэн, картэз но пичи нылыз, машинаен шуккиськыса, куло. Нылкышно копак выйиз ас пушказ: нокытчы уг ветлы ни, нокинэ адӟемез но кылэмез уг поты. Но Дианалэн вань Феликс эшез, кудӥз котькуд нунал, нылкышнолэсь уллямзэ пель сьӧртӥз лэзьыса, солы сиён нуллэ, возьыттэм калтыртэмъёсыз сярысь мадьылэ. Сир кадь лякиськись Феликслэсь нылкышно малпаз пегӟыны Ирландие.

Татын со интыяськиз зарезь дурысь коркае, ас понназ, уез-нуналэз сураса, улӥз: лыдӟиськиз, тамак кыскиз, кофе юиз. Бӧрысь буш сылӥсь бускель коркае берыктӥськиз воргорон. Эдвард — лек сямо, Диана кадь ик адямиосты адӟемпотостэм карись воргорон. Бускельёс, асьсэос но валатэк, ог-огзылы синмаськизы. Эдвард Дианаез кышно луыны куриз но, нылкышно сайкиськиз кадь: картэз али ке но сюлмаз на, озьыен, Эдвардэн шудо луыны уз быгаты. Диана выльысь берытске Париже.

«Счастливые люди читают книжки и пьют кофе» — со кафелэн нимыз, кудзэ кылдытӥз вал Диана, анай-атаез, картэз юрттэмен. Нылкышно «улонысь кошкем» бере соин кивалтӥз гольтырна Феликс. Озьыен, уж лачак люкаськиз: Диана кутске сюлмысьтыз тыршыны кафеяз, пумита ӟеч воргоронэз… Но огпол Ирландия сярысь выставкаын Диана пумита Эдвардэз. Кышномурт вала: сое бордаз кыске Ирландия…

Та книга яратон, ӧпкелён но ӟечезлы оскон сярысь. Оло, соин котькуд кылыз сюлэмам мур пытьы кельтӥз.

Любовь МИХАЙЛОВА

Удмурт Дунне
By Удмурт Дунне Июнь 26, 2018 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<