Ижын «Ералаш» возьматӥзы

Ангелина Снигирева
By Ангелина Снигирева 1 июня, 2018 16:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Ералаш» киножурналлэн чеберлыкъя кивалтӥсез Борис Грачевский Ижысь «Металлург» культура юртын пумиськылӥз нылпиосын но анай-атайёсын.

Удмуртиысь нылпиослы «Ералаш» возьматӥз Б. Грачевский

Культура юртэ калык тыраз люкаськиз. Кезьыт куазь шоры учкытэк, куд-огез семьяеныз ӵош ёросысь, гуртысь но вуэм. Инты тырмытэк, тросэз Борис Грачевскиез но «Ералаш» киножурналлэсь выль сериоссэ адӟон понна сылоно но луизы.

Ужрадэз сӥё-дано усьтӥзы «Дом кино» телеканаллэн валтӥсь директорез Александра Васильева но ачиз Борис Грачевский.

— Кемалась ӧвӧл ми «Ералашлэсь» 1 сюрсэтӥ серизэ гожтӥм, — пусйиз Борис Юрьевич, — вань сериосмес огазеяно ке, дугдылытэк 56 час но 40 минут учконо луоды. Интернетын «Ералашлэн» бамаз толэзяз 30 миллион адями пыра, нуналлы быдэ — 1 миллион пала!

Борис Грачевский люкаськем пиналъёслэсь но анай-атайёслэсь визьзэс сыназ: «Ералашлэсь» кыӵе серизэ соос тодо на? Нош мар шуэм со — «Ералаш»? Шонер валэктон сётӥсьёслы татын ик синпель кузьымъёс сётъяз. Режиссёр туж быгатыса шудӥз нылпиосын но анай-атайёсын но — быдэс зал бурдъяськиз. Та мылкыдын ик ваньзы «Ералашлэн» выль сериосыныз тодматскизы.

Пумиськонэ вуизы портэм ёросъёсысь нылпиос

Елена Миннигараева

Туспуктӥзы http://www.udmurt.ru но Елена Миннигараева

Ангелина Снигирева
By Ангелина Снигирева 1 июня, 2018 16:37