Ижкар Гербер: «Удмурт дуннелэн» шудоназ вормиз «Валамон-Паримон» команда

Удмурт Дунне
By Удмурт Дунне Июнь 13, 2018 16:53

Гербер шулдыръяськонын, котьку сямен ик, ужаз «Удмурт дунне» газетлэн азбарез.

Вормисьёслы кузьым — командаысь котькуд адямилы «Удмурт дунне» газетлы дунтэк гожтӥськон.

Татын «Удмурт дунне» газетлы гожтӥськыны луиз, гожтӥськисьёс пӧлын лотерея радъяськиз. Со сяна, туэ нырысьсэ «Удмурт дунне» газет радъяз «Дунне питран сьӧры…» квест.

Шудонэ пыриськиз 3 команда: «Мынам Удмуртие» ТРК-ысь журналистъёс, «Валамон, Паримон» (Ижысь Индустриальной ёросысь «кенешчиос») но «Малыок» (К. Герд нимо нылпи садысь воспитательёс).

Квестэ пыриськисьёс «сьӧд кужымъёсын» нюръяськоно но удмурт калыклы «Удмурт дунне» газетэз берыктоно луизы. Со понна соос пӧртэм шуг-секытъёс, визь сынанъёс пыр потӥзы.

Квестэ пыриськись котькуд командалы сётэмын вал нимысьтыз карта. Соосъя Кызьпу арамаетӥ бызьылыса, командаос ортчизы «Книга», «Удмурт Кенеш», «Удмурт дунне» но мукет азбаръёстӥ, Лек шур вамен потӥзы. Соослы тунсыко потӥз Кызьпу арамаысь «пурысьтам» изэз утчан. Тросэз паркетӥ поръясьёс со бадӟым из дортӥ ик ветло, но сое адӟем но уг каро. Со дыре ик та из, пе, герӟаськемын куд-ог удмурт азьветлӥсьёслэн быдэсмымтэ осконъёсынызы. Кыӵе из сярысь вераськон? Кытын со интыяськемын? Изэз шедьтыса, со вылысь гожтэмез лыдӟоно, сое телефонэ пуктоно вал.

Эк, бызьылӥзы ук командаос! Квест адямиослэсь йырвизьзэс сыназ, ӝог но йӧспӧртэм малпаськыны быгатэмзэс эскериз. Нош «сьӧд кужымъёсын» лушкам «Удмурт дунне» газетъёсын бадӟым коробкаез ваньмызлэсь ӝог шедьтӥз «Валамон, Паримон!» команда. Ӟечкыласьком! Оло нош, минутлы гинэ бере кылиз «Мынам Удмуртие» ТРК-лэн командаез.

Вормисьёслы кузьым — командаысь котькуд адямилы «Удмурт дунне» газетлы дунтэк гожтӥськон. Со сяна — нимысьтыз тау каронъёс.

Елена Панфилова
Туспуктӥз Максим Егоров

 

Ижкар Гербер: Кызьпу арамаын эктӥзы-кырӟазы но, визьзэс но сыназы, кылбур но лыдӟизы

Удмурт Дунне
By Удмурт Дунне Июнь 13, 2018 16:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<