Балезино ёросысь ветеранъёслэн спартакиадазы ортчиз

Дышем сямъя спорт праздниксэс усьтӥзы парадэн. Котькудӥз спортсмен, ас удысаз вормыса, командаезлы тросгес баллъёс вайыны тыршиз.

Вормисе потӥзы Балезиноысь арлыдоос, 2-тӥ луизы пыбъяос, 3-тӥ – Верх-Люкысь команда. / Туспуктӥз А. Миронова

Стадионын бызьылӥзы, спортзалын теннисэн шудӥзы. Кин ке, винтовкаен ыбылӥськыса но дротик лэзьяса, лэчыт синмо луэмзэ возьматӥз.

Ӵошатскисьёслэсь мылкыдзэс дугдылытэк ӝутыны тыршизы висьыны лыктэм эшъёссы. Вормисе потӥзы Балезиноысь арлыдоос, 2-тӥ луизы пыбъяос, 3-тӥ – Верх-Люкысь команда. Ветеранъёслэсь огазеям командазэс кылдытозы. Со элькун спартакиадаын ёрослэсь данзэ утёз 27-тӥ пӧсьтолэзе Глазовын.