Александр Бречалов 14 арессэс тырмытэмъёслы Россилэн гражданинэзлэсь паспортсэ сётъяз

Удмурт Дунне
By Удмурт Дунне Июнь 13, 2018 12:37
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Александр Бречалов 14 арессэс тырмытэмъёслы Россилэн гражданинэзлэсь паспортсэ сётъяз

udmurt.ru

Россилэн нуналаз элькун Тӧро А. Бречалов быгатӥсь пиналъёслы паспортъёс сётъяз.

Россилэн нуналаз Удмуртилэн Тӧроез Александр Бречалов 14 арессэс тырмытэмъёслы Россилэн гражданинэзлэсь паспортсэ сётъяз. Резиденцие люкаськылӥзы элькунысьтымы адӟем карымон, котькытчы вуттӥськись нылъёс но пиос.

Ижысь 68 номеро школаын дышетскись Александра Елькина ӧз ваты: Тӧролэн киысьтыз паспорт басьтон азьын со туж тулкымъяськиз. Резиденцие лыктоно луоз шуэмзылы, туж, пе, пайми — малы мыным? Нош эшъёсыз соку ик ӟечкыланы кутскизы. Данъяськемзэс веразы анай-атаез но. Александра — Россиысь волейболэн шудонъя первенстволэн призёрез, кырӟа, «5»-ёслы гинэ дышетске. Резиденцие соин ӵош вуылӥзы анаез но агаез.

Александра кадь нылъёс но пиос 10 кузя люкаськизы. Соос пӧлын, кылсярысь, «Голос. Дети» проектэ пыриськем, «Детская новая волна» конкурслэн полуфиналаз шедем Екатерина Осинцева, Калашников автоматэз сэрттонъя но бичанъя Россиысь рекордъёсъя книгае шедем Диана Гизатуллина, каратэя нап-ӵуж пояс нуллӥсь Григорий Мельников но мукетъёсыз.udmurt.ru

Александр Бречалов серектыса юнме ӧз вера ук: ма, тӥляд вормонъёсты мынэсьтым тросгес ни! Озьы со нылпиосты, анай-атайёссэс буйгатыны быгатӥз — вераськон эркын, капчи мылкыдын ортчиз. Александр Бречалов оскемзэ вераз: туала нылпиос понна паспорт басьтон нуналзы вунонтэм кылёз. Соос данъяськыны быгатозы, быдӟым, кужмо страналэн кунмуртъёсыз луо шуыса. Шуиз: эн кышкалэ азяды бадӟым ужпумъёс пуктыны, соосты быдэстон понна гижысь-пиньысь тыршыны. Ми котьку вӧзады, котьку юрттом егитъёслэсь кутсконъёссэс, проектъёссэс улонэ пыӵатыны!

Паспортъёсын ӵош нылпиос Удмуртилэн Тӧроезлэсь кузьым но басьтӥзы: Россилэсь Конституцизэ но странамылэн историезъя книга.

Элина Кумачёва
Туспуктэм: udmurt.ru

Удмурт Дунне
By Удмурт Дунне Июнь 13, 2018 12:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<