Кияса ёросысь Куӵосын — тылъез вотэс

Удмурт Дунне
By Удмурт Дунне Июнь 15, 2018 16:00
«Киясово онлайн» группалэн «ВКонтакте» бамысьтыз

Кияса ёросысь Куӵос гуртын езъёс резинаен итылэмын.

Кияса ёросысь Куӵос (Кады-Салья) гуртын электрикъёс ужало выль амалъёсъя. Электро езъёсты тылгизьы потэмлэсь утё, резинаен бинялляса.

Гуртысь тыл юбоос кемалась воштэмез возьмало. Куӵос гурт пыре Юрмалай муниципал кылдытэтэ. Гурт администрацилэн йырыз Алексей Никитин верамъя, Куӵосын 3 ульчаын 70 корка. Оглом 200 пала улӥсез. Гуртын вань ФАП, культурая юрт, лавка.

Май пумын зол тӧласькемен валче езъёс чигылӥзы. Ӧтем электрикъёс йырберзэс кема кормаса ӧз улэ. Куронъёсты чаклано ке, езъёсты юбо борды юнматыны нимысьтыз тӧдьы чашкаос кулэ. Нош юбоос сисьмемын ни, чашкаосты номыр борды дэмӟытыны. Соин электрикъёс езъёслэсь ваче вуон интыоссэс резинаен биняллязы. Тыл вань? Вань. Иське, косэм уж быдэстэмын. Табере урам шорын таӵе «вотэсъёс» ошиськемын.

Юрмалай муниципал кылдытэтлэн йырыз Алексей Никитин югдурез тодэ, уго поселениын бетон юбооссы ог 50 процент пала гинэ, кылемез пулэсь, воштэмез возьмало. Та пумысен Алексей Николаевич кылзэс юа ёросысь электрикъёслэсь но. Куӵосысь юбоосты вошъян азьло ик планэ пыртэмын вал ни. Ужъёс чакламын 20-тӥ инвожо берелы. Нош али быдэс ёрос дасяське Гурт шудонъёслы. Отчыозь бадӟым тӧлпери гинэ медаз луы.

Юбер кышно
Туспуктэм: «Киясово онлайн» группалэн «ВКонтакте» бамысьтыз

 

Удмурт Дунне
By Удмурт Дунне Июнь 15, 2018 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<