22-тӥ инвожое Ялан ӝуась тыл дорын ортчозы Быдӟым ожез буре ваён ужрадъёс 

Удмурт Дунне
By Удмурт Дунне 19 июня, 2018 12:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

22-тӥ инвожое «Долг» огазеяськон ӧте вань мылкыд карисьёсты Буре ваён нуналлы сӥзем «Что такое Родина?» акцие. 

Ӟеч сямлы пӧрмиз ини котькуд ар 22-тӥ инвожое 4 часын ӵукна Ижысь Ялан ӝуась тыл дорын люкаськыны. Поисковикъёс, кадетъёс, пӧртэм огазеяськонъёслэн азьветлӥсьёссы но вань мылкыд карисьёс лыдӟо ож сярысь кылбуръёсты но тодэ ваёнъёсты, ӝуато сюсьтылъёс, монумент доры сяськаос поно. Озьы буре ваё Быдӟым оже быремъёсты.

Таин ужрадъёс уз йылпумъяське. 10 часысен 13 часозь вань мылкыд карисьёс быгатозы учкыны егитъёсын дасям концертэз, пыриськыны мастер-классъёслы яке лыктыны «Долг» огазеяськонлэн палаткаез доры но юаськыны аслаз Быдӟым ожысь бертымтэ ӵыжы-выжыез сярысь. Поисковикъёс базаосысьтызы учкозы ожгарчи сярысь иворез, кулэ ке, валэктозы, кытчы вазиськоно.

Туэ 22-тӥ инвожое 77 ар тырме ини Быдӟым ож кутскем дырысен. Та нуналэ, Ижын сямен ик, пӧртэм гуртъёсын но каръёсын ортчозы буре ваён ужрадъёс.

Елена Рябина

Удмурт Дунне
By Удмурт Дунне 19 июня, 2018 12:45 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<