22-тӥ инвожое адямиосы гадязы бырттозы «Горд гвоздика» пусъёсты

Удмурт Дунне
By Удмурт Дунне Июнь 14, 2018 15:07

Калыклы юрттӥськонъя «Память поколений» фонд «Горд гвоздика» акцизэ ортчытэ. Ожъёсын быремъёсты буре вайыса, 22-тӥ инвожое горд гвоздикаен пусэз гадь борды бырттоно. Соос вузасько Ижысь «Магнит» лавкаосын.

Гадьпусъёс вузасько 50 манетэн. Соосты басьтыса, тӥ ожысь ветеранъёслы юрттоды я эмъюм басьтыны, я протез пуктыны, я операция лэсьтыны. Берло 2 ар ӵоже вузамын вал 4 миллион 145 сюрс 490 гадьпусъёс. Соосты дэмлазы 60 пӧртэм вузкаронниосын. Туэ гадьпусъёсты, «Магнитысь» сяна, шедьтыны быгатоды «Радуга звуков» магазинысь но «Татнефть», «Роснефть» АЗС-ъсысь.

Акциез радъяло Россиысь«Память поколений» фонд но  «Волонтёры Победы» огазеяськон.«Память поколений»  фонд 3-тӥ арзэ ужа ни, та дыр ӵоже 6 сюрс пала ветеранъёслы юрттӥз: кинлы ке кузьмамын кресло-коляскаос, висьыса кыллисьёслы чаклам кроватьёс, кинлы ке уксё висъямын протез пуктон, эмъюм басьтон понна. Уго Быдӟым ож, Афганистанын, Сириын ожъёс пыр потэм, Уйпал Кавказын террористъёсын нюръяськыку сӧсырмем ветеранъёслы ялан тазалыксэс юнматоно луэ, со понна трос уксё кулэ. Котькуд мылкыд карись, «Память поколений» фондлэн вотэс бамаз пырыса, ветеранъёслы юрттон вылысь уксё келяны быгатэ.

Сергей Захаров

Удмурт Дунне
By Удмурт Дунне Июнь 14, 2018 15:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<