2 нунал кылиз «БиГерд» форуме куриськон сётыны

Удмурт егитъёслэн «БиГерд» форумазы куриськон келяно 20-тӥ инвожоозь.

Туэ «БиГерд» ортчоз 28-тӥ июньысен 1-тӥ июлёзь Татарстанысь Балтаси ёросысь Малые Лызи гуртын. Сое 2-тӥ ползэ ини радъя Татарстанысь удмуртъёслэн автономизы. 4 ӧръёс луозы: творчество, дизайн, этноблогинг но мугорез кыдатон. Туннэ нуналлы творческой ӧре заявкаос тырмыт лыктӥзы ини, соин куриськонъёсты кылем 3 ӧръёсы куто.

Форуме вуэм удмурт егитъёс 3 нунал ӵоже быръем ӧръёссыя но оглом удмурт культурая, калыкмылэн историезъя тодон-валан люкалозы, нош 4-тӥ нуналаз пыриськозы Татарстанысь Гыронбыдтон празднике, со туэ луоз Балтасиын. Отын ик ортчытозы тунсыко флешмоб.
Куриськон сётон понна выжоно та чӧлсконъя. 

Елена Рябина