Ува каргуртлэн шораз кылдӥз фонтан

Удмурт Дунне
By Удмурт Дунне Май 11, 2018 11:33

Ува каргуртлэн шораз ик куштӥськем кырал вал. Но табере отын — аллеяос, скульптураос, фонтан…

Уваос та интызылы ним но сётӥзы — «Ошмесо шаер».

Та инты тодмантэм воштӥськиз городын улон-вылонэз ӟечгес каронлы сӥзем кун программа чотын кылем арын — пӧртэм кисыосысь 11 но ӝыны миллион манет пала висъямын вал. Озьы 3 сюрс пала писпуос, куакъёс, будосъёс мерттэмын. Фонтан укша быльырась ошмеслы. Со котыре люкаськиллям кырпарсьёс, ӟичыос, каксяос (цапля)… Пуктылэмын ӟусъёс, жаг куянъёс. Табере татын уйин но тылъёс ӝуало. Уваос та интызылы ним но сётӥзы — «Ошмесо шаер».

Кыӵе интыез нырысь ик выльдоно кун программа чотын — уваос огъя мылкыдын пыриськизы куара сётонэ. Ёрос администрацилэн тӧроезлэн воштӥсез Константин Огородников верамъя, та инты юнме быръемын ӧй вал — кыдёкын ик ӧвӧл интыяськемын ёрос администрация, культурая юрт, банкъёс, почта но трос мукетыз. Соин ик татӥ нуналлы быдэ уно калык ортче — нялтас ӟусъёс вылын пуке-шутэтске. Нош праздник нуналъёсы адямиос юромо но пото татчы — асьсэдыз возьматыны, калыкез адӟыны. Пӧртэм ӧз луэ 1-тӥ Май но, 9-тӥ Май но.

— Улон возьматӥз: та интыез нырысь ик тупатъяса, туж умой карим, — пусйиз Константин Огородников. — Уката ик тодӥськом вал: «Формирование комфортной городской среды» проект ӧжытсэ 2022-тӥ арозь кыстӥськоз. Отчыозь эшшо кӧнязэ ке трос калык люкаськылон интыосты выльдыны быгатом, малпасько.

Зэмзэ но, туэ Ува каргуртын эшшо одӥгез инты чеберскыны кулэ — кылдоз «Чеберай кыз» сквер. Али отын но куштӥськем кырал. Котыраз — вузкаронниос но шутэтскон центр.

Табере отчы Выль ар шулдыръяськонъёсты ортчытъян инты кылдытыны чакламын. Отчы кыз пуктом на, шуо.

— Али кенешиськомы: 5 метръем улэп кызэз татчы мерттоно но пумен будэтоно яке искусственной кыз басьтыса, сое праздник нуналъёслы бичалляно, — валэктӥз администрацилэн тӧроезлэн воштӥсез.

Тодо ни: «Чеберай кыз» проектлэн дуныз 4 миллион 500 сюрс манет луоз.

Элина Кумачёва

Удмурт Дунне
By Удмурт Дунне Май 11, 2018 11:33
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<