«Удмуртэнерго» чакла 3 сюрс 500 иськем пала тылезъёсты тупатъяны но 312 иськем выльёссэ кыскыны

Удмурт Дунне
By Удмурт Дунне Май 30, 2018 10:00

Лэсьтӥськонъя, жилищно-коммунальной хозяйствоя но энергетикая министерство но «Удмуртэнерго» огазеяськон электротыл сётон удысын кылдэм югдурез возьматӥзы Дэри ёросысь Изгурт вылын.

www.mrsk-cp.ru

Изгуртысь огысьтыз ульчаысь 9 пу юбоос борды бетон пасынокъёс пуктозы, езъёссэ золъялозы. Мукет урамын сисьмыны кутскем 12 юбоосты бетон опораосын воштозы.

Та поселение Иж вӧзы интыяськемын. Отчы 10 гуртъёс пыро. Соос ваньмыз сямен паськытало. Сизьгуртмы гинэ берло 3 ар ӵоже 5 поллы будӥз, шуэ Изгурт поселенилэн йырыз Дмитрий Четкарёв. Тросаз юртъёсы газ вуттымтэ ай, соин калык коркаоссэ электроен шунтэ. Вуж езъёс но трансформаторъёс талы чакламын ӧвӧл. Уг чидало езъёс но юбоос, кужмо тӧласькыку но. Соин ик выль сетьёс но кулэ, вужъёссэ но выльдоно.

Ӵапак та ужъёсты али быдэсъя «Удмуртэнерго» огазеяськон. Кылсярысь, Изгуртысь огысьтыз ульчаысь 9 пу юбоос борды бетон пасынокъёс пуктозы, езъёссэ золъялозы. Мукет урамын сисьмыны кутскем 12 юбоосты бетон опораосын воштозы. Ӵапак соос кузя выль проводъёс кыскозы. Али урамъёс кузя изоляцитэм 4 рад езъёс мыно ке, бетон юбоос вылэ СИП нимаськись кабель кыскозы. Со изоляциен бинялтэм зӧк ез. Тӧласькыку муз вылэ усе ке но, уг чигы.

Та поселениын туэ 6,5 иськем сетьёсты тупатъялом, 28 иськем вылез кылдоз, оскытӥз «Удмуртэнерго» огазеяськонлэн «Южные электросети» ёзэтысьтыз валтӥсь инженер Денис Бродский. Со луонлык сётоз выль пуктэм коркаосы но тыл пыртыны. Дэри ёросын арлы быдэ 2 сюрс пала электротыл басьтӥсьёс ватсасько.

Нош быдэс элькунын «Удмуртэнерго» туэ 3 сюрс 500 иськем пала линиосты рос-прос тупатъяны но 312 иськем выльёссэ кыскыны чакла. Озьы ик трос ужъёс ортчозы трансформатор подстанциосын. Огазеяськон та ужъёслы 898 миллион манет висъяны чакла.

Мукет улосвылъёсын ӵошатыса, элькунысьтымы электротыл сётон хозяйство устоосыз пӧлын луэ, шуэ лэсьтӥськонъя, жилищно-коммунальной хозяйствоя но энергетикая министрлэн воштӥсез. Валамон, Москва кадь городъёсын вожвылъяськыны ум быгатэ. Отын мукет коньдон берга. Удмуртиын но тросгес уксё висъяны луысал, пе. Но со понна тарифъёсты будэтоно луоз.

Эдуард Степанов
Туспуктэм: mrsk-cp.ru

Удмурт Дунне
By Удмурт Дунне Май 30, 2018 10:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<