Симфонической оркестр но диджейёслэн крезьгурзы. Кызьы со огазеяське?

Удмурт Дунне
By Удмурт Дунне Май 3, 2018 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«П. Чайковскийлэн дор палъёсаз» фестиваль улсын 27-тӥ апреле «Металлург» культурая юртын шудӥз Удмуртиысь симфонической кун оркестр, солы выль шӧм пыӵатӥзы быдэс дуннелы тодмо FEEL но GMOROZOV диджейёс.

Уноез егитъёс классической музыка шоры выль синмын учкизы. Кин тодэ, азьланяз, оло, классической но клубной крезьгуръёс огазеяськозы.

Удмуртиысь симфонической кун оркестр котьку паймытъя академической крезьгурез, джаз композициосты усто возьматыны, калык дорозь вуттыны, сюлэмез бугыртыны быгатэменыз. Оркестрен дэмен шудылӥзы быдэс дуннелы тодмо солистъёс: Денис Мацуев, Александр Князев, Даниил Крамер но мукетъёсыз. Соин ик тунсыко вал: кызьы таяз радэ одӥг сцена вылын чузъяськозы Пётр Чайковский композиторлэн «Щелкунчик», «Лебединое озеро» произведениосыз электронной крезьгур шудэм улсын. Санкт-Петербургысь Dj Feel (Филипп Беликов) но Казаньысь Dj GMorozov (Григорий Морозов) угось туала клубной гуръёсты улӟытӥсьёс, кыксы но Россиысь устоосыз диджейёс, радиоведущийёс луо. Кызьы воксё 2 пӧртэм культураосты огазеялод?

Концерт азьын Филипп Беликов но Григорий Морозов оскытӥзы: огазеяны луонтэмзэ но чебер чузъяськытыны луэ. Та ласянь кыксылэн но опытсы бадӟым. Кылсярысь, Григорий Морозов Казаньысь La Primavera камерной оркестрен ӵош 2015-тӥ арын одӥг сцена вылын шудӥз уянъя дуннелэн чемпионатаз. Нош Филипп Беликов Санкт-Петербургысь симфонической оркестрен  ӵош концерт сётъялляз.

— Таӵе валче ужъёс туж кулэ, — шуиз Филипп Беликов. — Кык пӧртэм ӧръёсты огазеяса гинэ, куддыр луонлык кылдэ электронной крезьгур пушкы зымем егитъёсты классика дуннее кыскыны. Эсьма, Россилэсь историзэ но тодазы уськытӥськом, вашкалазэ сюлмазы пыӵатӥськом. Тани Удмуртиысь оркестрен ӵош кӧня ке произведениосты дэмен шудыны малпаськомы. Ваньмыз со импровизация луоз. Зэм, классической крезьгуръя тодон-валан басьтэме ӧвӧл. Уг тодӥськы, кызьы таӵе миксъёс кылӥсько палэнысен — асме дунъяны уг быгатӥськы. Но тодӥсько огзэ: адямиос кыстӥсько вылез борды. Озьыен, ми тунсыко луиськомы. Тон ӟеч крезьгур кылдытӥсь ке, котькыӵе адями мед луод, но концертад одно ик лыктозы. Со крезьгурлэн но харизмалэн кужымез.  Эн малпалэ, аслым ачим сокем зол оскись, асме ачим мултэс дунъясь шуыса. Туннэ но кӧня ке куалекъясько, кызьы меда калык милемыз пумиталоз шуыса.

«Металлург» культурая юртын пуксён интыез ӧй вал — калык сомында лыктэм. Кылзӥсьёс пӧлын уноез — егитъёс. Соос понна уго та кык диджейёс зэмос кумиръёс луо, пинал калык соослэн римиксъёссы улсын улэ. Соин ик концерт но егитъёс понна выль шӧмъем тунсыко ужрадлы пӧрмиз. Нош куд-ог арлыдоос понна концерт нырысь-валысь валантэмгес йӧтӥз. Пельёслы угось секытгес вал колонкаосысь  бум-бум вазись электронной крезьгур: зол чузъяськемысьтыз, куддыр оркестрлэн шудэмез вужере кыльылӥз. Котьма ке но ужрад туж аспӧртэмлыко вал. Уноез егитъёс классической музыка шоры выль синмын учкизы. Кин тодэ, азьланяз, оло, классической но клубной крезьгуръёс огазеяськозы.

Елена Сараматова
Туспуктэм: vk.com (Удмурт филармония)

 

 

Удмурт Дунне
By Удмурт Дунне Май 3, 2018 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<