Шаркан ёросысь Кирилл Шкляев Россиысь технологияя олимпиаданы вормиз

Кирилл Шкляев но «Коньдон вайись эбек».

Мувыр школаысь Кирилл Шкляев Санкт-Петербургысь бадӟым вормонэн бертӥз.

9-тӥ классын дышетскись пияш ас тодон-валанъёсыныз паймытъя. Физика, ОБЖ, математика, астрономия предметъёсъя Россиысь олимпиадаосын призёръёс пӧлы шедьылӥз ни вал, нош та нуналъёсы со Санкт-Петербургын ортчем технологияя олимпиадаысь вормонэн бертӥз. «Коньдон вайись эбек» нимаськись проектэз бордын дышетӥсеныз Владимир Шкляевен быдэс ар ӵоже тыршиллям. Эбексэ пулэсь лэсьтэм, со, пе, фэн-шуйя юртэ шудбур но узырлык вае. Та олимпиадаын басьтэм грамотаез пияшлы юрттоз вузэ капчиен пырыны.

УД
Туспуктэм: www.vestnik.udm.net