Мон луо Инженер!

Удмурт Дунне
By Удмурт Дунне Май 30, 2018 15:29

Школаосын берпуметӥзэ жингырто гырлыос. 9-тӥ но 11-тӥ классъёсысь егитъёс азьын кемалась ни кылдӥз юан: мар кароно азьланяз? Быръён бадӟым ӧвӧл: ужано яке дышетсконо. Но уже но так гинэ уд пыры, кыӵе ке тодон-валан луыны кулэ.

Нырысь адямилы гань-гань улон понна трос тодон-валанъёс кулэ ӧй вал. Ма, тодонъёс но ӧжыт вал, даурысь дауре анай-атайёслэсь нылпиоссылы выжо вал инкуазь чакланъёс, калыкен люкам визь: кызьы музъем гыроно, пудо вордоно, нылпи будэтоно но мукет. Но пумен котькуд выль поколение улон сярысь тросгес но тросгес тодыны кутскиз. Но одӥг нуналэ вань тодон-валанъёс одӥг адямилэн йыраз тэремысь дугдӥзы. Куд-ог ужъёсын со оскиськиз тодӥсь-валась адямиослы, нош ачиз вырыны кутскиз аслыз кельшись ужен. Адямиос кутскизы люкиськыны быгатонлыкъёссыя, озьы ик дышетылӥзы мукет адямиосты но. Озьы кылдӥзы школаос, кытын юртто улонын нырысетӥ вамышъёс лэсьтыны. Усьтӥськизы вузъёс, кытын адямилы выль тодон-валанъёс сёто. Технологиос интыязы уг сыло ук.

Мон дышетскисько инженер-технологлы, корт вандон ӧрын. Пичи дырысеным мыным тунсыко вал, кызьы лэсьтӥсько машинаос но мукет пӧртэм арбериос. Юнме шорысь соос уг кылдо ук. Соин ик мон малпай инженерлы дышетскыны, тодыны, кызьы ваньмыз лэсьтӥське но малы со сыӵе, кыӵе вань. Кылсярысь, кызьы ужа машинаын мотор. Сое кылдытон понна туж трос визьмо адямиос малпаськизы ук. Пӧртэм детальёс куспазы тупаны кулэ, эшшо со ваньмыз ужаны кулэ. Ужаз ке, умой, но со инженерлэн ужезлэн ӝыныез гинэ ай. Со мотор кема мед чидалоз, капчи но кужмо луоз, ӧжыт бензин сиёз. Инженеръёс азьын ялан кылдо пӧртэм юанъёс, кудъёсызлы валэктон утчано. Котькуд шонер валэктонэн ӵош улон азьланьгес вамыштэ. Улонын кылдо пӧртэм арбериос, кудъёсызтэк ми ум ни быгатэ улыны, нош ваньзэ сое малпало но улонэ потто инженеръёс.

Вузын дышетскон — со нырысь ик улонэз тодон: кызьы ваньмыз радъяськемын, малы со озьы ужа, кызьы тупатоно но мар ке выльзэ кылдытоно. Школаын тыныд огшоры тодон-валан сёто, тон сое пушкад пыӵатӥськод но пыӵатӥськод. Нош вузын тыныд аслыд утчано ни со тодонэз. Нокин сьӧрад уг ветлы, ойдо ни мар ке но каром шуыса, улонэд, визьмыд — аслад киосад. Уг поты ке дышетскемед, уллялозы. Соин ик нырысь малпаське, малы тӥ мынӥськоды вузэ. Вуз сётэ сыӵе тодон-валан, кудзэ огшоры улонысь тон уд басьты, нош улонэ тон сое туж капчиен пыртыны быгатӥськод. Дышетскон тыныд тунсыко луыны кулэ, соку ваньмыз капчиен пӧрме.

Асьмеос кулэ улонэз азьлань кыскыны. Ваньзы пукизы ке, мукетъёсыз вылэ чӧлскыса, гижы буясь но синлыс лякылӥсь луизы ке, вуз карыны мынӥзы ке, странамы огинтыяз лёгаськоз. Мон уг шуиськы, со алама профессиос. Пӧртэм удысъёсы быгатӥсь адямиос кулэ. Дышетскыны пырыкуды, одно ик мынэ отчы, мар тӥледлы тунсыко, маин вырыкуды, тӥ шумпотӥськоды. Тужгес но умой ужась — со сыӵе ужась, кудӥз яратэ аслэсьтыз ужзэ но отчы шумпотыса мынэ.

Удмурт Дунне
By Удмурт Дунне Май 30, 2018 15:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<