Ваче верасько кыл но гур. «П. Чайковскийлэн дор палъёсаз» фестивале вуылӥз Даниил Спиваковский

Удмурт Дунне
By Удмурт Дунне Май 8, 2018 15:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«П. Чайковскийлэн дор палъёсаз» фестиваль вань искусствоосты огазея. Кылсярысь, филармонилэн сцена вылаз валчеяськизы гожтэм кыл но крезьгур. Роялен шудӥз Москваысь Евгений Борец, тодмо писательёслэсь чуръёссэс лыдӟиз Россиысь дано артист Даниил Спиваковский. Концерт азьын артистъёс, проектлэн продюсерез Игорь Голодный журналистъёсын пумиськылӥзы.

Роялен шудӥз Москваысь Евгений Борец, тодмо писательёслэсь чуръёссэс лыдӟиз Россиысь дано артист Даниил Спиваковский.

— Кызьы кылдӥз малпан театрез, литератураез но крезьгурез огазеяны?

Даниил: — Малпаз Игорь Голодный, милям продюсермы, со ик литературной произведениосты бырйиз. Юнме шорысь ӧз. Валамон, котькудаз произведениын вань крезьгур тема, крезьгуро инструментъёс, импровизация, театр. Но соос пӧртэмесь: Америкаысь Курт Воннегут, СССР-ын но США-ын улэм Сергей Довлатов, совето вакытысь Михаил Зощенко, кылем даурлэн кутсконаз гожъяськем Александр Куприн. Та пӧртэм произведениос огазеямын джаз крезьгурен,тазэ малпаз Евгений Борец.

Игорь: — Кемалась потэ вал ни малпам таӵе спектакль — сое спектакль но шуыны уз луы, импровизация — кытын одно ик мед чузъяськысал улэп рояль, улэп кыл но шудысал улэп актёр. Мултэс видео- но аудиоматериалъёстэк. Бырйи аслым кельшись произведениосты. Со сяна, малпаськи учкись сярысь, со мед валалоз, мар сярысь вераськон мынэ, син азяз суред мед пуксёз.

Евгений: — Туж тунсыко, куке огазеясько крезьгур но литература. Со сяна, сцена вылын вань ке импровизация. Соку текст пӧртэм сямен лыдӟиське, со потэ персонажлэн сямыз, актёрлэн мылкыдыз, куазь но трос мукетыз бордысь.

 

— Мар татын валтӥсьгес: крезьгур яке литература, рояль сьӧрын пукись яке актёр? Кин кинэн кусып тупатэ, вераське?

Евгений: — Конечно, крезьгур, образъёсын вераськыса, кылдэ. Бен, куддыръя пӧрме: ми Даниил Ивановичен ог-огенымы гинэ вераськиськом, образъёс сярысь вунэтыса.

Даниил: — Крезьгур спектакльлэн дӥньыз луэ. Кытын ке но крезьгур актёрлэсь шудэмзэ валтэ, геройлэсь сямзэ возьматэ. Нош кытын ке сюжетэн огпыдысь вамыштэ. Репетировать карыны кутскыкумы, мон лыдӟисько вал текстэз, нош Женя мар йыраз лыктэ, сое ик шудэ. Куддыръя со, текстэз кылыкуз, шудон амалзэ воштылӥз, куддыръя мон крезьгуръя текстме мукет сямен лыдӟыны кутскылӥ. Сыӵе валче уж.

— Крезьгурен котькыӵе произведение огкыл шедьтыны быгатэ-а?

Евгений: — Крезьгурен огкыл шедьтэ Даниил Иванович, мон понна со тырмыт. Мон огвакытэ театрын ужай, актёръёсты эскерылӥ: чалякгес шудӥсько ке, соос но чалякгес вераськыны кутско, калленгес ке, соос но лэймытгес лыдӟыны кутско. Тунсыко. Книга — со образъёсын тырмытэм маке. Нош крезьгур юрттэ соосты эшшо но паськытгес усьтыны.

— Даниил Иванович, тӥляд вань на нимаз проектты «Даниил Спиваковский. Художественное слово»…

Со кылдӥз кӧня ке ар талэсь азьло. Монэ ӧтчало пӧртэм филармониосы, отын мон симфонической оркестръёсын, мукет коллективъёсын огазьын ужасько, соос шудо, мон произведениосысь чуръёсты лыдӟисько. Но ваньмыз огшоры гинэ ӧвӧл. Сцена вылын ми зэмос драматической театрлэн куронъёсызъя шудӥськом, актёр но музыкант ог-огзэс валало. Спектакльын кадь, ми ваче вераськиськом, ог-огмы шоры учкиськом, кылсярысь, мон вазисько Женялы, со мыным пумитам крезьгурен вазе. Таӵе амаллэн пайдаез бадӟым. Берло дыре адямиос ӧжыт лыдӟиськыны кутскизы! Табере нылпиосмы, книга кутэм интые, телефонъёсын пуко. Та концертъёсы дышетӥсьёс быдэс классъёссэс ваё, анай-атайёс — нылпиоссэс. Шуо: произведениез уг лыдӟо ке, мед кылозы коть.

Кылем сӥзьыл ми концертъёсын ортчимы пичи городъёстӥ, огаз пичи городын площаде потӥмы. Евгений электроклавишаосын шудӥз — пичи городъёсын ӧвӧл йӧнала инструментъёссы, мон чуръёсты лыдӟи. Жаль гинэ зор кисьтэ, но адямиос котырамы люкаськизы, зонтикъёс улэ ватскыса, нылпиоссэс бордазы ӝиптыса, кылзӥзы охранникъёс, полицейскойёс…

Улэп кыллэн, улэп крезьгурлэн кужымзы со. Тросэз артистъёс тазьы концертъёс сётъяло, но палэнэ потало шерез…

Мария Векшина

Туспуктӥз Наталья Сметанина

Удмурт Дунне
By Удмурт Дунне Май 8, 2018 15:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<