Йӧскалык библиотека пусъе 100 арзэ

Удмурт Дунне
By Удмурт Дунне 23 мая, 2018 15:44

Библиотекалэн кивалтӥсез Татьяна Тенсина.

Йӧскалык библиотекалэн 100 арезлы сӥзем сӥё-дано ужрад ортчиз Кун Кенешын. Данъямын вал библиотекаын ужасьёс, лыдӟисьёс но книга кузьмасьёс.

Кун Кенешлэн залаз вӧл-вӧл кыстӥськемын Йӧскалык библиотекалэн дауръем сюресэз: туспуктэмъёс, лыдпусъёс, валтӥсь учыръёс. Татын ик адӟиськиз, макем паськыт но туала амалъёсты кутыса ужа библиотека. Кылсярысь, книгаосын тодматскыны быгато ляб адӟись но сукыр адямиос.

Ужрадлэн сӥё-дано люкетаз пыриськизы Удмуртилэн Тӧроезлэн советникез Наталья Сударикова, культурая но туризмъя министр Владимир Соловьёв, библиотекалэн кивалтӥсез Татьяна Тенсина но мукетъёсыз. Удмуртилэн Тӧроез Александр Бречалов ужрадэ пыриськыны ӧз быгаты ке но, ӟечкыланзэ ыстӥз. Отын пусъемын: Йӧскалык библиотека шаерамы огез бадӟымез лулчеберетъя центр луэ. Тодӥськомы, али со секыт югдуре шедемын: библиотека но фонд люкетэн-люкетэн пазьгиськемын Ижлэн пӧртэм сэрегъёсаз, книгаослы ӝажыос уг тырмо. Озьы ке но библиотека ужзэ азинтэ. Оскиськом, выль юрт 2020-тӥ арлы усьтӥськоз ни шуыса, уго солэн проектэз тросэз эскеронъёс пыр потэмын ни.

Ужрадысен пӧртэм данъетъёс люкылэмын. Кылсярысь, З. Богомолова нимо премиез басьтӥзы Йӧскалык библиотека но Сюмси ёросысь лыдӟиськон юрт. Йылпумъянъёс лэсьтэмын нылпи библиотекаос куспын радъяськись вожвылъяськонлы но. Нимысьтыз пусъемын книга кузьмасьёс но лыдӟиськисьёс.

Сергей Захаров
Туспуктэм: udmeparhia.cerkov.ru

 

Удмурт Дунне
By Удмурт Дунне 23 мая, 2018 15:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<