Егит ужбергатӥсьёс — экономикалэн кужмыз

Удмурт Дунне
By Удмурт Дунне Май 25, 2018 15:52

Санкт-Петербургын ортчись калыккуспо экономической форум улсын 23-тӥ куартолэзе покчи но шоро-куспо ужбергатонлэн форумез ортчиз. Отын вераськон ӝутскиз егит ужбергатӥсьёслэн экономикаез азинтонын интызы сярысь.

Ужбергатонъя форуме пыриськизы Россиысь Экономикая министерствоысь специалистъёс, «Опора России» огазеяськонлэн ёзчиосыз, улосвыл правительствоосысь лыктэмъёс но бизнесменъёс. Соос эскеризы ужбергатонлы азинскыны юрттон амалъёсты.

Удмуртилэн нимыныз ужрадэ пыриськиз элькун Правительстволэн Тӧроезлэн нырысетӥ воштӥсез Александр Свинин. Со верамъя, Удмуртиын ужбергатӥсьёслы юрттэт сётон радъяське, соослэсь кулэяськонъёссэс лыдэ басьтыса. Тужгес бадӟым саклык висъяське удыссэс али гинэ мытэм адямиослы. Кутскись ужбергатӥсьёс, егитэз но, арлыдоез но, огкадь шуг-секытъёсын пумисько, шуиз Александр Свинин.

Элькунын, соослы юрттэт сётыку, чаклало, тырмыт-а уксёзы бизнессэс азинтыны, вань-а солы кулэ луись экосистема, поттэм продукцизэс вузаны быгато-а.

Александр Свинин верамъя, юрттэт сётыны учкемын элькунмылы тужгес кулэ луись удысъёслы. Озьы Россиысь Президентэн пуктэм ужпумез быдэстыны пӧрмоз. 2030-тӥ арозь Россиысь экономикалэн 40 процент люкетэз покчи но шоро-куспо ужбергатон луыны кулэ. Удмуртиын та лыдпус али 23 процентозь вуиз ни, ивортӥз Александр Свинин.

Нимысьтыз саклык висъяське социальной ужбергатонлы, гуртын ваньбур поттонлы, туризмлы, ас удыссэс нуись нылкышноослы но IT-огазеяськонъёслы. Ужбергатӥсь кышномуртъёслы но IT-компаниослы 6 процент ставкаен кредитъёс басьтыны луонлык кылдытэмын.

Удмуртиысь Правительстволы вылӥ дунъет сётӥз Россиысь экономикая министрлэн воштӥсез Юлия Алферова. Со верамъя, Удмуртия дась вань экспериментъёсы пыриськыны.

Сергей Захаров
Туспуктэм: udmurt.ru

Удмурт Дунне
By Удмурт Дунне Май 25, 2018 15:52
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<