Набережные Челны карын Удмурт культуралы сӥзем нуналъёс ортчо

Удмурт Дунне
By Удмурт Дунне Апрель 16, 2018 15:20

5-тӥ-22-тӥ оштолэзе Татарстанын Набережные Челны карын Удмурт культуралы сӥзем нуналъёс ортчо.

Соос радъясько арлы быдэ фин-угор творчествоя «Ми одӥг писпулэн вайёсыз» фестиваль улсын. Радъяло соосты Татарстанысь удмуртъёслэн национально-культурной автономизы, Челныысь Эшъяськон юрт но культурая управление.

5-тӥ-22-тӥ апреле вань мылкыд карисьёс быгатозы вуылыны Набережные Челныысь картинаосын галереяе, отын удмурт киужъёсын, вашкала но туала арбериосын тодматскыны быгатозы.

— Таяз радэ ми доры Ижысь «Куиськон крезь» адӟытонэз ваёзы, — вера «Удмурт Кенешлэн» Челныысь ёзэныз кивалтӥсь Валентина Билык. — Со сяна, рос-прос дасяськиськом котрес ӝӧклы, отын вераськомы, кызьы ужано но вӧлмытоно фин-угор киужъёсты, дӥськутъёсты, мар кароно, соосты тросгес интыосысь шедьтыны но басьтыны мед луоз шуыса. Со сярысь кенешыны ӧтиськомы Удмуртиысь кибашлыосты, тодосчиосты. Котрес ӝӧк бере ик малпаськомы фин-угор тематикая киужъёсъя вожвылъяськон ялыны.

Удмурт культуралы сӥзем нуналъёсты усьтон ужрад вал ни 5-тӥ апреле 11 часын Набережные Челныысь картинаосын галереяын, со нуналэ ик радъяськиз котрес ӝӧк но.

Елена Рябина

Туспуктӥз автор

Удмурт Дунне
By Удмурт Дунне Апрель 16, 2018 15:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<