Люкаськылӥзы 200 пала ужбергатӥсьёс — вуз карон центр, гостиница возисьёс

Удмурт Дунне
By Удмурт Дунне Апрель 5, 2018 15:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

200 пала ужбергатӥсьёс — вуз карон центр, гостиница возисьёс — люкаськылӥзы Правительствое. Соослы пыр-поч валэктэмын: мар кароно, кышкыт учыръёс медаз ни луэ шуыса.

Шӧдӥськиз: кенешонэ люкаськем ужбергатӥсьёс валало югдурлэсь макем лэчыт луэмзэ, улонэз уксёен мертаны уг яра.

Кенешонэз радъяз Промышленностья но вуз каронъя министерство, ӧтемын вал Граждан обороная но кышкыт учыръёсъя министерствоысь, ФСБ-ысь, Росгвардиысь специалистъёс. Пумиськон мынӥз «юан — валэктон» амалэн. Татын, нокинэ пыкылытэк, пыр-поч валэктӥзы, мар кароно тырмымтэосты тупатон вылысь.

— Котькуд вуз карон центр, кунокуа кыӵе ке но категорие пырыны кулэ, — шуиз промышленностья но вуз каронъя министрлэн воштӥсез Галина Трегубова. — Та бордысь ик потоз, кыӵе куронъёс пуктӥськозы со азе. Уката чурытэсь — 1-тӥ категорие шедисьёслы: татын огдыре 1 сюрслэсь ятыр адями луыны быгатоз, марысь-мар ке, ыштонъёс уно миллионъёсын лыдъяськозы.

Промышленностья но вуз каронъя министерствоын вань, пе, трос калык люкаськылон интыосын список — отчы шедемын 195 вуз карон центр, со пӧлысь 74-ез — Ижысь, 61-ез — районъёсысь, кылемъёсыз — Глазовысь, Сарапулысь, Можгалась, Воткаысь. Пусъемын 152 кунокуаос но, пӧлысьтызы данакез — Ижысь. Но таос пӧлысь туж ӧжытэзлэн гинэ туннэ юнматэмын категоризы. Кенешон дыръя алэмын: та ужез ӝегатскытэк лэсьтоно.

— Категория юнматэм бере лэсьтоно на кышкытлыклэсь утиськонъя паспорт, — вераз Росгвардилэн вневедомственной охраная ёзэныз кивалтӥсь Виктор Дементьев. — Туннэ нуналлы чылкак 1 вуз карон центрлэн таӵе паспортэз вань, кылемъёсызлэн вужмемын ни, выль куронъёслы уг тупало. Талы ог 2 толэзь кошкоз. Ватсаса коньдон, валамон, кулэ луоз.

Шӧдӥськиз: кенешонэ люкаськем ужбергатӥсьёс валало югдурлэсь макем лэчыт луэмзэ, улонэз уксёен мертаны уг яра. Куд-огез пырак кенешон дыръя ик дораз эскерисьёсты ӧтиз: выль вуз карон центр пуктыны дасяськиськом, оло, проектсэ азьло ик эскероно.

Элина Кумачёва

Туспуктэм: udmurt.ru

Удмурт Дунне
By Удмурт Дунне Апрель 5, 2018 15:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<