Кун Кенешын 4-тӥзэ люкамын Егитъёслэн парламентсы

Удмурт Дунне
By Удмурт Дунне Апрель 25, 2018 14:30

Егитъёслэн парламентсылэн азьвыл ӧтчамъёсаз уно гинэ удмурт егитъёс шедьылӥзы но асьсэлэсь ӵектонъёссэс улонэ пыӵатӥзы.

Со ужалоз 2 ар ӵоже.

Парламент быдэс шаерысьтымы егитъёслы асьсэлэсь кужымзэс, кивалтон удысын быгатонлыкъёссэс эскерыны луонлык сётэ, тросэз понна карьера лэсьтонын со нырысетӥ бадӟым вамышсы луэ. Егитъёслэн парламентсылэн азьвыл ӧтчамъёсаз пыриськемъёс туннэ поселениосын но ёрос Кенешъёсын депутатъёс, пӧртэм удысъёсын кивалтӥсьёс луо ни.

Егитъёслэн парламентазы сюрон понна куриськонъёс тросгес но тросгес вуо. Кылсярысь, туэ документъёссэс вайизы 70 егитъёс. Вожвылъяськонэ пыриськисьёс одно ик люканы кулэ вал 250 егит муртъёслэсь кинюртэмъёссэс (кандидатэз умоен лыдъяло шуыса) но дасяны проект.

— Пусйыны кулэ: Егитъёслэн парламентсы кылдэ 60 муртлэсь. Соос пӧлысь 30-эз — ёрос парламентъёсысь, мукет 30-эз — вожвылъяськонэз ас понназы пырпотэм муртъёс. Конкурсэ лыктӥсь егитъёсыз дунъя нимысьтыз кылдытэм комиссия, туэ отчы 17 мурт пыриз, соос пӧлын вал Кун Кенешысь депутатъёс, министерствоосын ужасьёс, Тӧролэн администрациысьтыз кивалтӥсьёс, егитъёслэн огазеяськонъёссылэн азьветлӥсьёссы но Егитъёслэн парламентазы азьвыл ужамъёс, — вера комиссилэн ёзчиез Ольга Мусалимова. — Туэ конкурсэ пӧртэм удысъёсъя туж трос ӟеч проектъёс вуизы, соин вожвылъяськисьёсыз ог-огзылэсь куддыр 1 балл но ӧз люкы — сыӵе пичиесь вал висъёс. Конкурс пыр 30 муртэ ке но кутӥмы, огкылэ вуимы, эшшо 6-7 муртэ та уж борды кыском на шуыса. Ум на тодӥське, юрттӥсьёс-а соос луозы, но ми соосты ум вунэтэ.

Выль быръем парламентарийёслэн ӝоген нырысетӥ сессизы луоз ини, отын соос азьын Правительстволэн ужамез сярысь ивортоз элькунмылэн Тӧроез А. Бречалов. Куартолэзе ик егитъёс бырйыны кулэ асьсэлы тӧро но люкиськыны комиссиослы, кудъёсаз 2 ар ӵоже ужалозы, ӵектонъёсын поталозы.

Йылтом на, Егитъёслэн парламентсылэн азьвыл ӧтчамъёсаз уно гинэ удмурт егитъёс шедьылӥзы но асьсэлэсь ӵектонъёссэс улонэ пыӵатӥзы. Кылсярысь, Вероника Ваулиналэн удмурт но ӟуч кылъёсты дышетонъя «писпуэз» али шаерамы гинэ ӧвӧл, палэназ но кутӥське, соя табере кунгожсьӧр кылъёсын но тодмато ни.

Елена Рябина
Туспуктэм: udmurt.ru

Удмурт Дунне
By Удмурт Дунне Апрель 25, 2018 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<