Графиня. Валентина Васильева. Сценка.

Удмурт Дунне
By Удмурт Дунне 28 апреля, 2018 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Графиня

Шудӥсь муртъёс:

Петыр но Микол, 40-45 аресъем воргоронъёс

Действие скал гид азьын ортче. Скал бӧксэм куараос кылӥсько.

Микол: Петыр! Петыр, пӧй. Кылскы: туннэ скал гидэ Графиня вуиз.

Петыр: Ма, нёшто? Уг оскиськы тыныд, Микол. Кылемаз но пӧяд. Шуид вал, тушез, сирен зыраса, мычоно, соку со кема уз поты. Мон кутски но зырай. Али но вань бускельёсы сиресь туш шуыса исало.

Микол: Я, я, таяз уг пӧя ни. Эн йыркура.

Петыр: (Кӧня ке чус пукемез бере.) Я, кыӵе-сыӵе графиня шуиськод?

Микол: Петропавловск-Подольскысь-а, а мар-а. Вунэтӥ, лешой. Я, кылскы: гидысь потӥсько вал, зоотехникез утчаса. Нош соиз ветеринарез ыштэм. Озьыгес ужаськом, лэся. Нош ветеринар сотовой телефонзэ кыедэ уськытэм, ӵапак жингыртӥсез луэм. Ферма тыр «Тон шедьтод-а, тон ваёд-а» кырӟан чузъяське. Бӧрдон калэ вуиз ни ветеринар. Телефонзэ кыедысь кыскыны саник утча. «Сё, каюк, — шуэ пудо першал. — Йыр быриз. Кышно жингыртэ. Ох, вожась ук со мынам. Телефондэ малы ӧд куты, шуоз. Ӝытбыт зӧкъяськоз ни табере».

Петыр: Вожаны мугез но вань. Мед зӧкъяськоз кышноез. Ӵапак туннэ адӟи: першал Эммаен ӧс сьӧрын чупасько вал. Вот компромисс!

Микол: Компромат, шу.

Петыр: Лешой, зэм но, компромат. Я, Микол, юри дырез нуйтӥськод ук. Вера ни графиня сярысь. Кыӵе-мар, чебер-а?

Микол: Вопшем, потӥсько фермаысь. Ветеринар кыедын бугыръяське… (Синъёссэ кыньыса.) Трактор уробо сьӧрысь потэ со — Графиня! Сыӵе чебер! Дыртытэк гинэ мынэ — манекенщица кадь.

Петыр: (Ымзэ усьтыса.) Манекенщица кадь?

Микол: Дыртытэк гинэ мынэ, йырзэ выллань урдыса… Синъёсыз нош, синъёсыз — чагыр-чагыресь. Синлысъёсыз нош — кузь-кузесь.

Петыр: Ачиз нош ӝужыт-а?

Микол: Ӝужыт но, лапег но ӧвӧл, кӧй но, векчи но уд шуы. Сыӵе шоро-куспо. Ассэ туж востэм возе. Зоотехникез адӟиз но мыняз, я.

Петыр: Зоотехник солы кельшем-а?

Микол: Кин тодэ. Ӧз вера.

Петыр: Юано вал. Кышкад-а?

Микол: Нош тон вазьыны дӥсьтод-а?

Петыр: Соиз озьы, кызьы вазёд! Нош гидэ пыраз-а?

Микол: Пыраз-пыраз, али но отын.

Петыр: Ма, зынлэсь но уг кышка шат? Графиня — туж интеллигентной. Со мукет улонлы дышемын. Чай но фарфор ӵашаысь гинэ юэ, дыр. Нош татын кыед зынын шока!

Микол: А кытысь тон тодскод, интеллигентной шуыса? Графиняед вӧзам дугдӥз но…

Петыр: (Сак кариськыса, кылзэ.) Вера ни, Микол, собере мар?

Микол: Мар-мар! Как быжыныз небыт интыям шлачкетӥз ук! Али но вӧсь!

Петыр: Кыӵе быж? Мар тон! Нош ик пӧяд монэ, албасты!

Удмурт Дунне
By Удмурт Дунне 28 апреля, 2018 16:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<