Алнаш ёросысь «Прогресс» хозяйство ваньзылэсь вазь бусые потӥз

Удмурт Дунне
By Удмурт Дунне Апрель 26, 2018 13:00

Арлы быдэ шаерамы кизьыны вазь потэмъёс пӧлын луэ Алнаш ёросысь «Прогресс» хозяйство.

М. Егоров

Алнаш ёросысь «Прогресс» хозяйствоын бусыосазы удобрение пазяло.

Тол улэ кизем ӟег вож-вож ӝужаз бере, «Прогресс» хозяйство 19-тӥ апреле ик узьымез удобрениен юнматоно кариськиз. Интыен-интыен лымы пуке вал ке но, нимысьтыз техникаез бусые поттӥз. Озьы 1 гектаре 1 центнер удобрение понӥзы.

— Лымы усён азьын удобрение поттэммы туж умой луиз ай — зор-кот солы тӧлӟыны ӧз сёты — ваньмыз музъеме пыӵаз. Кылемзэ сеялкаосын ӵош бусые поттом, котькуд гектаре 80 килограмм шедёз, — бусыосыз шорысь синъёссэ вошъятэк, вера хозяйствоысь валтӥсь агроном Лев Сараматов.

Зэм, кылем арын сярысь, туэ удобренизы 2 поллы ӧжытгес. Но урожай басьтонлы осконъёссы вань. Дасям кидыссы угось ваньмыз ӟеч. 240 тонна элита кидыссы вань. Миым «Оркино» хозяйствоысь суперэлита кидыс басьтӥзы, сое 170 гектар вылэ кизизы, отысь ик ӟеч тысь кутсаны быгатӥзы. Туэ ӟеч кидысэн кизем бусыоссэс 400 гектарозь паськытатыны медо.

— Сӥзьыл эштосмес ӟеч кидыс будэтонъя хозяйство карыны малпаськом, документъёс дасяськомы, — шуэ Лев Сараматов. — Элита нимаськись кидысэз угось, огшоры ю-нянез сярысь, 2-3 поллы дуногес вузаны луэ, солы субсидия но висъяське. Хозяйствоын азинскон понна тысь куасьтон но шертон комплекссэс выльдыны, К-700 бадӟым трактор, пресс басьтыны, ферма пуктыны малпало.

Оглом «Прогрессын» 4 сюрс 886 гектар кизёно-гыроно бусыоссы. Али 1 сюрс 991 гектар вылэ ю-нянь кизёзы. Механизатор Леонид Дунаев шуэ:

— Сюлэм бусые куриське ни — лудъёсмы угось ёросын тужгес бадӟымесь.

Лев Сараматов верамъя, механизаторъёс, дыр шоры учкытэк, ужало, запчасть дыраз вутто, ог-огзылы юрттӥсько, соин ик кизёнзэс шаерамы ваньмызлэсь вазь йылпумъяло.

Елена Сараматова
Туспуктӥз Максим Егоров

Удмурт Дунне
By Удмурт Дунне Апрель 26, 2018 13:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<