Зинаида Рябинина: Малы сӥзёд 15 минуттэ?

Удмурт Дунне
By Удмурт Дунне 16 марта, 2018 11:25

Калык пӧртэм: кин ке быръёнъёсы  мыло-кыдо пыриське, кин ке аналскыса пуке.

Малы ветлоно быръёнэ?  мон понна сыӵе юан ноку ӧз кылдылы, малы ке шуоно мон улӥсько татын, мынам ӧвӧл мукет Доре, соин ик мыным  ӧвӧл маке шат, кыӵе луоз кунмы азьланяз.

А, арлыдоос ваньзы озьы верасько, шуозы егитъёс. Но быръёнъёс вал котьку — милемлы  18, 20, 30  арес дыръя но. Ветлытэк кельтылэме вань  2 пол гинэ: студент дыръям, куке сием потонлэсь гуртэ пегӟиськиз (угось стипендиез но, подработка понна туж пичи уждунэз но толэзьёсын ӝегатъязы) но вож пиналын пукыкум, куке  городысь частной секторын сюресъёс коляскаен ортчонтэм дэри вал, нош  быръён участок ог иськем кемын… Али со луэ, кытын мылыд потэ, отын куарадэ сётыны: коть гуртын, коть городын, коть больницаын, коть зарезь дурын, со сярысь азьлогес иворты гинэ.

Но тӥни со вакытэ веттам нуныос табере кисырско: а малы со кулэ? Соос уго уг тодо ни, кыӵе нюрысь потӥз асьме калык берло 20 ар ӵоже. Али ӝожтӥсько: уждунмы пичи, эшшо ипотекалы тыриськоно… Но соку ӧй вал ук ипотека но! Калык аръёсын улӥз мурт патеръёсын — озьы коньдонзы омыре лобӟиз. Али коть, аръёс ортчыса ке но, сэрегед аслыд кыле.

Алигес  Нылкышно праздникез пусйыкумы, данъяськыса пуким — редакциысь 3-ез нылкышноосмы 3-тӥ пиналынызы декретын! 20 ар талэсь азьло  городысь семьяосын 1-2 пинал сяна вайыны ӧз дӥсьтылэ — кризис вакытэ ай сооссэ но маин сюдыны-дӥсяны, школае келяны паймылӥськиз, пособиос ӧй вал. Али шумпотоно,  кунмы семьяослы бадӟым саклык висъя: «Егит семья» программая пичиятэм процентэн ипотека, 2-тӥ пинал понна анай капитал, 3-ез понна — дунтэк музъем но  мукет льготаос…

Нялтас вераса, 18-тӥ мартэ Ижкарын улӥсьёслэн луонлыксы вань кудзэ ке шутэтскон интыез тупатъян (парк) понна куаразэс сётыны. Мон бырйисько Кызьпу арамаез!

…Быръён участоке ветлон понна кулэ 15 минут. Со дырмес но государстволы жаляськом ке, малы ми  ялан маке возьмаськом солэсь?

Удмурт Дунне
By Удмурт Дунне 16 марта, 2018 11:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<