«Выжы-выжы-выжыкыл» фестивальын возьматэмын 8 выжыкыл

Ангелина Снигирева
By Ангелина Снигирева Март 23, 2018 14:51

Ижысь Эшъяськон юртын йылпумъяськиз «Выжы-выжы-выжыкыл» нылпи фестиваль.

Фестивальлэн финалвз пыриськиз 8 нылпи сад

Фин-угор калыкъёслэсь выжыкылъёссэс возьматӥзы Глазовысь, Алнашысь, Пичи Пургалась но Ижысь 8 нылпи садъёс. Оглом верано ке, фестивале пыриськиз 28 нылпи сад. Иже вуыны луонлык кылдӥз асьсэ ёросъёсазы устоосыз луэмъёслы гинэ.

Пичи Пургалась «Колокольчик» нылпи садысь пичиос «Кызьы кеч аслыз корка пуктэм» удмурт выжыкылэз возьматӥзы.

Пичи Пургалась «Колокольчик» нылпи сад

Алнашысь «Берёзка» садысь нылпиос «Пичи ныл но коньыпиос» удмурт выжыкылъя эктӥзы-кырӟазы. Василиса Васильева учисьёсты паймытӥз шаплы луэменыз, чебер кырӟаны быгатэменыз. Нылпи садысь визьнодась Галина Антонова верамъя, Иже соос, быдэс сюрессэс кырӟаса, лыктӥллям. Пиналъёссы крезьгурез туж ярато, усто экто, соин Алнаш ёрослэсь фестивале кин мыноз, споръяськон ӧй вал.

Ижысь 266 номеро но 106 номеро нылпи садъёс люкаськемъёсты пор калык культураен тодматӥзы. Соос возьматӥзы «Лудкечлэн коркаез» но «Пислэг но ӟичы» выжыкылъёсты. Учкисьёс синмаськизы Ижысь 95 номеро нылпи садысь Вениамин Вахрушевлы. Пияш атаслэсь рользэ ӟеч шудӥз. Анай-атаеныз соос кемалась ик ӧвӧл Шаркан ёросысь Иже лыктӥллям. Агай-апаеныз пияш удмурт сямен вераське.

Ижысь 95 номеро нылпи садысь В. Вахрушев анаеныз

Ваньмыз фестивале пыриськем нылпи садъёс пӧртэм номинациосын пусъемын, нимаз данъямын рольёсты усто шудэм нылпиос.

Ангелина Снигирёва

Туспуктӥз А. Снигирёва

Ангелина Снигирева
By Ангелина Снигирева Март 23, 2018 14:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<