В. Путин А. Загитоваез пусйиз Эшъяськон орденэн

Ангелина Снигирева
By Ангелина Снигирева 1 марта, 2018 14:47

В. Путин А. Загитоваез пусйиз Эшъяськон орденэн

Толон Россилэн Президентэз Владимир Путин Кремльын пумиськылӥз Олимпийской шудонъёсын медальёс утэм спортсменъёсын. 45 мурт Президент киысь кун наградаос басьтӥз. Данъям адямиос пӧлын вал Ижысь фигуристка Алина Загитова но.

Алина вормонъёсыныз кык пол шумпоттӥз: нырысь огъя командаын азьвесь медаль утэменыз, бӧрысь нимаз вожвылъяськонъёсын зарнияськеменыз.

В. Путин вань спортсменъёслы тау кариз, но нимысьтызы пусйиз зарни но азвесь медальёс басьтэм фигуристкаосты Алина Загитоваез но Евгения Медведеваез.

— Алина но Женя, Россиысь висисьёсты шумпоттэм сяна, быдэс дуннеез быгатонлыкъёсынызы паймытӥзы. Соос мукет спортсменъёслэсь трослы вылӥын вал, — пусйиз В. Путин.

Кыксэ ик нылашъёсты Президент Эшъяськон орденэн данъяз. Та сяна, медальёс утэм ваньмыз спортсменъёс Россилэн Правительствоезлэн Тӧроез Дмитрий Медведев киысь ӵыж-выль машинаослэсь усьтонъёссэс басьтӥзы. Алина Загитоваез вормонэныз ӟечкылаз Удмуртилэн Тӧроез Александр Бречалов но.

Ангелина Снигирёва

Фото басьтэмын kremlin.ru

Ангелина Снигирева
By Ангелина Снигирева 1 марта, 2018 14:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<