Удмуртской ульчаысь 261-тӥ корка: Асьсэ патеръёсазы берытскозы 4-тӥ но 6-тӥ секциосын улӥсьёс

Удмурт Дунне
By Удмурт Дунне Март 2, 2018 11:12

3-тӥ мартэ субботае тупатъям квартираосазы пырозы Ижысь Удмуртской ульчаысь 261-тӥ коркан улӥсьёс. Таяз радэ асьсэ патеръёсазы берытскозы 4-тӥ но 6-тӥ секциослэн кузёоссы, ивортӥз Правительстволэн Тӧроез Ярослав Семёнов.

Таяз радэ асьсэ патеръёсазы берытскозы 4-тӥ но 6-тӥ секциослэн кузёоссы, ивортӥз Правительстволэн Тӧроез Ярослав Семёнов.

Кылем арын ноябре газ пуштэмен сэрен та коркалэн 5-тӥ подъездаз 8 патер быдэс куашказ. Эскерем-тупатъям бере декабрь пумын 1-тӥ-3-тӥ подъездъёсын улӥсьёсты квартираосазы пырыны лэзизы.

Юртэз эскерон йылпумъяськиз, вань секциослэн конструкциоссы оскымонэсь шуыса пусйизы лэсьтӥськон удысысь специалистъёс. Таӵе ик малпанэ вуизы Удмуртиысь спасательёс но.

— 4-тӥ но 6-тӥ секциос «Струна» комплексэн чакламын, корка йыг-йыг сылэ, шугъяськонъёс уз кылдэ. Кышкыт югдуръя режимез дугдытыны луэ, — мылкыдзэ вераз МЧС-лэн Удмуртиысь управлениеныз кивалтӥсь Пётр Фомин.

Улӥсьёслы доразы берытскыны юромо субботаез чаклазы. Соку ик татын ужалозы городысь вань коммунальной службаос. Нимысьтыз комиссия эскероз квартираосты, куд-огаз тупатъян ужъёс луозы на, солы республика коньдон висъялоз.

5-тӥ подъездын улӥсьёслы мукет патере выжоно луоз. Вуоно арняысен соослы коньдонэн юрттэт басьтыны свидетельство сётъялозы. Та ужпумъя уксё республикалэн бюджетаз чакламын ни.

Нош 5-тӥ подъездын улӥсьёслы мукет патере выжоно луоз. Вуоно арняысен соослы коньдонэн юрттэт басьтыны свидетельство сётъялозы. Талы уксё республикалэн бюджетаз чакламын ни. Патертэк кылемъёслы квартира ӵектӥзы выль юртъёсын но, вуж коркаосын но. Нош республикаысь риелторъёслэн ассоциацизы та сделкаосты ортчытэмез понна дун уз куры.

Со сяна, вань кылем шугъяськытӥсь юанъёслы валэктон сёто Лэсьтӥськонъя но улон инты политикая министерстволэн «пӧсь» телефоназ.

Сергей Захаров

Туспуктӥз Э. Карипов

Удмурт Дунне
By Удмурт Дунне Март 2, 2018 11:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<