Удмуртъёслэн быдэ вуон йылолъёссылы сӥзем дасямын Эстониын

Удмурт Дунне
By Удмурт Дунне Март 29, 2018 11:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Эстониын, Тартуысь Эстон йӧскалык музейын, «Дырвырӟон: удмурт егитъёслэн быдэ вуон йылолъёссы 1993/2017» адӟытон усьтӥськиз.

«Дырвырӟон» адӟытон дасямын Тартуысь Эстон йӧскалык музейын.

Татын со ог арня улоз но Будӟыннунал (Пасха) азьын Татарстанысь Варклед-Бӧдья гуртэ но Ижкаре вуоз. Собере адӟытонэз возьматыны малпамын на Будапештын, Хельсинкиын но Парижын.

Адӟытонын возьматэмын пӧртэм вакытъёсысь туспуктэмъёс. Соос милемыз удмурт егитъёслэн быдэ вуонзылы сӥзем сям-нергеосынызы тодмато. Быдэ вуонэн герӟаськем йылолъёс туала вакытэ Европаысь калыкъёс пӧлын туж шер пумиськыло ни. Удмуртъёслэн но соос одӥг гуртын гинэ кылемын — Татарстанысь Огырчи (Агрыз) ёросысь Варклед-Бӧдьялан. Пи но ныл кураськон сямъёс татын совето вакытэ но ӧз бырылэ, туала егитъёс но соосты сӥлы-данлы утё.

Адӟытонын возьматэмын Варклед-Бӧдьялась егитъёслэн 1993-тӥ но 2017-тӥ аръёсы оштолэзе ортчем кураськонъёссы. Туспуктэмъёс но видео 2 нимаз группаосын лэсьтэмын, котькудӥз ас дырызлы тупась техникаен ужамын: 1993-тӥ арын — плёнкаен аппарат, 2017-тӥ арын — цифровой. Лэсьтэм туспуктэмъёсты 24 ар висъя ке но, авторъёслэн ужъёсазы трос гинэ огкадез пумиське. Тунсыко соиз но: 2017-тӥ арын кураськись егитъёс 1993-тӥ арысь кураськисьёслэн пиналъёссы луо ни.

Адӟытонэз радъязы Эстон литературной музейын ужась Николай Анисимов, Эстон йӧскалык музейысь тодосчиос Светлана Карм, Арп Карм, Тарту университетысь профессор Эва Тулуз.

Николай Анисимов

Удмурт Дунне
By Удмурт Дунне Март 29, 2018 11:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<