Студентъёсты «дышетӥз» Удмуртилэн Тӧроез Александр Бречалов

Удмурт Дунне
By Удмурт Дунне Март 7, 2018 11:32

Удмуртилэн Тӧроез Александр Бречалов.

Аспӧртэмлыко лекция ортчиз Удмурт кун университетын. Дышетӥсьлэн интыяз сылӥз Удмуртилэн Тӧроез Александр Бречалов. Озьы кутскон сётэмын Удмуртилэн Тӧроеныз ваче кенешонъёслы.

Кык час ӵоже Александр Бречалов мадиз аслаз дышетскемез, семьяез сярысь но валэктонъёс сётъяз студентъёслэн юанъёссылы. Кызьы пусйиз Тӧро, ӵапак егитъёслэсь солы тужгес трос юанъёс вуыло. Та пумиськон азьын но студентъёс Александр Бречаловлы юанъёс сётъязы социльной сетьёс пыр.

Студентъёс но элькун Тӧро огкылэ вуизы, дышетон удысэ воштонъёс пыртоно шуыса. Уго ӵемысь егитъёс, вузъёсысь зэмос ужлы дышытэк, пото. Студент дыръязы практика ортчылэмзылэн пайдаез ичи. Ужаны кутскисьёсты выльысен дышетоно луэ. Александр Бречалов бадӟым предприятиослэсь, вузъёслэсь кивалтӥсьёссэс но студентъёслэсь азьветлӥсьёссэс валче люканы оскытӥз.

Тросэз егитъёс асьсэ проектъёссы пумысен юанъёс сётъязы. Одӥгез студент лыдъям: шаерамы (кылсярысь, Балезиноын) пайдаё луоз, пе, OSB-плитаос лэсьтон завод пуктыны. Соос лэсьтӥськонын туж паськыт кутӥсько, нош кунамы поттӥсьёс туж ӧжыт.

Егитъёс мадизы улонэ пыӵатӥськись проектъёссы сярысь но. Кылсярысь, туристъёслэн но пыдын ӝог ветлыны яратӥсьёслэн ужрадъёссы пумысен. Элькун кивалтӥсез ӧтизы 11-тӥ южтолэзе Ижын ортчоно ульча эктонъёсъя «Джечбур Батл. Удмуртский колорит» фестивале. Отчы шаерысьтымы сяна, люкаськозы Башкортостанысь, Татарстанысь но Пермь улосвылысь эктӥсьёс.

Та выллем ужрадъёс туж кулэ, соос трос пайда вайыны быгато. Но бюджетысь коньдон уз сётӥськы. Удыссэс мытӥсьёс асьсэос чырмыт кариськыны кулэ. Дышетсконо проектъёсты адскымон карыны но инвесторъёсты шедьтыны. Проектъёстэс вузаны ми тӥледыз дышетом, оскытӥз Александр Бречалов.

Егитъёс мадизы улонэ пыӵатӥськись проектъёссы сярысь.

Кунлэн ваньбурез сярысь лэчыт юан чузъяськиз. Малы, пе, элькунысь бадӟым заводъёсты нимаз адямиослы яке кунгож сьӧры вузало? Александр Бречалов верамъя, элькунлэн ваньбураз пырись туж тросэз предприятиос ыштонъёсын ужало. Озьы бере, малы соос кулэ? Нош ужбергатӥсьёс ас уксёзы чотын отчы выль амалъёсты но технологиосты пыӵато. Ваньбур поттонэз пайдаё каро.

Ӵапак со понна вузамын вал «Калашников» концернлэн акциосыз. 2 ар ӵоже 2 инвестор Удмуртилэн экономикаяз оглом 20 миллиард манет ваёз. Туннэ Ижысь механикая заводын 5 миллиард манет тыр проект улонэ пыӵаны кутскиз. Нош та уксёен быдэсак выльдӥськоз одӥгез цех. Отысь тӥрлык туж вуж вал ни. Улон, технологиос туж зол азинско.

Россиын туннэ паськыт луонлыкъёс усьтэмын. Егитъёс соосты ужазы но улоназы кутыны быгатыны кулэ. Азьланяз элькунмылэн Тӧроез таӵе пумиськонъёс ортчытыны чакла мукетаз вузъёсын но ссузъёсын.

Эдуард Степанов

Удмурт Дунне
By Удмурт Дунне Март 7, 2018 11:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<