Шӧкыч: Ӟузыри кузь ке — вераськон вакчи

Удмурт Дунне
By Удмурт Дунне 20 марта, 2018 15:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Туэ тулыс кема кыстӥськоз, шӧдске. Тани кудкузьда йӧӟузыриос ошиськиллям городысь огаз балконын. Нош Удмуртиысь Прокуратура пусъе: йӧӟузырилэн улыны правоез ӧвӧл.

В. Емельянова

Ижысь Восточной ульчаысь 30-тӥ корка дортӥ ветлыны уг яра ни.

Россиысь Госстройлэн 170 номеро постановлениез вера: липет йылын лымы 30 сантиметрлэсь зӧк медаз луы, йӧӟузыриос медаз ошиське.

Сарапулын прокуроръёс кыл кутон улэ кыскизы ни кӧня ке управляющей компаниосты но ТСЖ-осты. Та удысын тыршисьёс выллань учкыны дышемын ӧвӧл, лэся. Липет пумысь ошиськем лымыез но уг адӟо, корка йылэ тубаны но тодазы уг лыкты, кышкыт интыез гожмо лентаен котыртыны но кизы уг вутскы. Таӵе тяпайтэмзы понна Сарапулысь коммунальщикъёслы штраф сётӥзы. 2 ТСЖ-лэн кивалтӥсьёсыз быдэн 4 сюрс манет тырозы.

Кышкыт учырез адямиос возьманы кулэ ӧвӧл. Коммунальной служба гызмыльтэ ке, меӵак Прокуратурае вазиськыны луэ.

— Управляющей компаниос ӵемысь шудо гражданъёслэн законэз тодымтэзы вылын, — вера Удмуртиысь экономика ужпумъёсъя но ужбергатӥсьёслэсь правооссэс чакланъя валтӥсь прокурор Танзиля Афлитунова. — Кылсярысь, берпуметӥ этажын балконын йӧ ошиськемын ке, шуозы: со тӥляд ваньбурды, тӥ тупатъяды, липетсэ выльдӥды — иське, конструкцияз воштонъёс пыртӥды. Улон интыя кодекс пусъе, кыӵе ужъёсты управляющей компания быдэсъяны кулэ. Нош балконъёсты сузян пумысен йыр висён медаз луы шуыса, та ужез гожтыны луоно управляющей компаниен огкылэ (договоре).

Сак кариськоно липет йылын ужасьёслы но. Уго кивалтӥсь лопата уз куты. Нош нырысь ик со сюлмаськыны кулэ ужасьёсызлэн тазалыксы пумысен. Тани кылем арын декабре Шарканын дворник липет йылысь усиз — лымыен-йӧэн валче гылӟиз но тротуар вылэ палдӥз. Ярам, зол ӧз шуккиськы. Нош кивалтӥсез Социальной страхованиея фондэ ивортыны ӧз дырты — талы закон одӥг сутка дыр висъя. Производствоын кылдэм югдурез эскерыны кутскизы, кык арня ортчыса гинэ. Нимысьтыз актъёс но гожтэмын ӧй вал. Табере уж сётӥсь дворниклы но тыриськоз, Ужъя инспекция азьын но кыл кутоз.

Юбер кышно

Валентина Емельянова

Удмурт Дунне
By Удмурт Дунне 20 марта, 2018 15:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<