Селычкаысь нылпи садысь шедьтэмын формальдегид газ

Ангелина Снигирева
By Ангелина Снигирева 21 марта, 2018 16:17

Со газ тазылыклы кышкыт, пе. Соин валче Якшур-Бӧдья ёросысь Селычка гуртысь нылпи сад 3 толэзь ворсаськемын ни.

Нылпи сад 3 толэзь ворсамын ни

Нылпи сад кылем арын сентябрь толэзе гинэ усьтӥськиз вал. Но, толэзь ортчыса, отчы эскеронъёсын вуиз Удмуртиысь Роспотребнадзор, шуиз: формальдегид газ омырын нормалэсь 2 поллы тросгес. Якшур-Бӧдья ёросысь суд юртэз 3 толэзьлы ворсаз, та вакыт куспын югдурез воштыны курыса.

Нылпи сад ворсаськемен сэрен баӟым сюлмаськон кылдэмын — 53 пинал дораз пуконо луэ. Таин валче анай-атайёс шугъясько уж дуразы ветлыны – куд-огез нылпиоссэс песянай-песятайёссы доры кельто, мукетъёсыз сьӧразы уж дуре но кутыло. Тросэзлэн нылпиослэн школае мынон вакытсы вуэ ни, но нылпи сад ворсаськемен валче соосты школалы дасясь ӧвӧл. Та вакытэ 11 пиналлы гуртысь санаторие путёвка сётэмын, со сяна, воспитательёс пиналъёсын арняяз 1 пол школаын ужало, но со тырмыт ӧвӧл.

Селычкаысь анай-атайёс туж витё нылпи садлэсь усьтӥськемзэ

Та дырозь рос-прос тодмо ӧвӧл, кытысь-марысь кышкыт газ омыре сюриз, со быгатэ урод материалъёслэсь лэсьтэм пукон-ӝӧкъёс бордысь но потыны. Та дырлы мебель воштэмын. Выльысь лэсьтэм эскеронъёс возьматӥзы — нылпи садлэн кыкетӥ этажез тэшкылиосты пумитаны дась. Эскериське на 1-тӥ этаж. Та арня вискын тодмо луоз ни, быгатозы-а пиналъёс нылпи садэ выльысь вамыштыны.

Ангелина Снигирёва

Туспуктӥз Ангелина Снигирёва

Ангелина Снигирева
By Ангелина Снигирева 21 марта, 2018 16:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<