Мылкыдъёсы — чуръёсам

Удмурт Дунне
By Удмурт Дунне Март 29, 2018 10:32

21-тӥ южтолэзе быдэс дуннеын пусъё Кылбуретлэсь нуналзэ. Удмурт кун университетлэн библиотекаяз, талы сӥзьыса, «Мылкыдъёсы — чуръёсам» пумиськон ортчиз.

Тодосчиос егитъёслы дэмлазы чуръёссэс, йырвизьзы пыр сӥсъяса, гожтыны.

Пумиськонын чуръёсынызы тодматӥзы кылбурчиос Юлия Разина, Галина Абрамова, Анна Бурдина, Анастасия Шумилова, Елизавета Шихова, Евгения Корепанова, Марина Пахомова… Ӝыт ӵоже соослэн кылбуръёссы ваньмызлы, оскисько, тулыс мылкыд кузьмазы. 21-тӥ южтолэзь Кылбуретлэн нуналэныз юнме быръемын ӧвӧл, дыр, ук, угось та дыре инкуазь улӟе, адями но выльдӥське кадь.

Пумиськон кутскиз Ашальчи Окилэн «Тон юад мынэсьтым» кылбуреныз. Собере чузъяськыны кутскизы туала авторъёслэн чуръёссы. Котькудӥз кылбурчи аспӧртэмлыко. Чеберман амалъёссэ кутэмен гинэ ӧвӧл, дунне шӧдонэныз но. Кин ке инкуазь суредъёсты синмаськымон суреда, кин ке — адями кусыпъёсты. Куд-ог кылбуръёсын пуштросэз ватскемын пусъёс, куара шудон пӧлы, тае ӵемысь кылзыса гинэ валаны уг луы, кулэ адӟыны чуръёслэсь радъяськемзэс. Со понна егит кылбурчиослэн ужъёсынызы презентация кылдытэмын вал. Эса-Юсси Салминен, фин лектор, котькудзэ эскериз, лыдӟиз.

Юлия Разина, Галина Абрамова но Кирилл Кириллов ужрадэз кырӟанъёсын шулдыртӥзы.

Тодосчиос Виктор Леонидович Шибанов но Александр Григорьевич Шкляев дэмлазы егитъёслы кылбуръёссэс, сюлэмзы но йырвизьзы пыр поттыса, гожъяны. Соос валэктэмъя, милям кылбуръёсамы рифма но образъёс лябесьгес на, огшоры ӵошатонъёс кутылэмын. Кызьы шуиз Виктор Леонидович, ми, егитъёс, сюлэменымы кылбураськом, зэмос кылбур нимаськон понна ужъёсмылэн аспӧртэм ымнырзы ӧвӧл на. Озьыен, вань на марлы дышетскыны. Таӵе ужрадъёс мылкыдэз ӝуто.

Марина Пахомова

Туспуктэм: УдГУ библиотека

Удмурт Дунне
By Удмурт Дунне Март 29, 2018 10:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<