Малпанъёс: Малы мон мынӥсько быръёнъёсы?

Удмурт Дунне
By Удмурт Дунне 16 марта, 2018 15:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

18-тӥ мартэ Россиын улӥсьёс 7-тӥ ползэ Президент быръёзы. Кыӵе мылкыдын шаерамы улӥсьёс возьмало куара сётон нуналэз?

Алексей Загребин, Кун Думаысь депутат:

— Быръёнъёсы мон мыно анаеным ӵош. Быръё оскымон адямиез. Со дэмла сыӵе азьлань улонэз, кудзэ мон сӥзьысал семьязылы, матысь адямиосылы но эшъёсылы. Улонмы азинскыны гинэ кулэ, ӵуказе нуналын ми шедьтыны кулэ али висьытӥсь юанъёсмылы валэктонъёс. Маллпасько, котькуд адями нуналлы быдэ кылдытыны турттэ азьлань учкись Россиез.

 

__________

Кун Кенешысь депутат
В. Бузилов.

Валерий Бузилов, Кун Думаысь депутат:

— Та нуналэ ми быръёмы, кудпала матысь аръёссэ вамыштоз странамы. Тае котькуд адями мед валасал. Мон сюлмаськисько, кыӵе странаын ми азьланяз уломы. Соин ик мынӥсько куараме сётыны кужмо Россия, сяськаяськись Удмуртия понна. 18-тӥ южтолэзе мон Удмуртиысь огаз ёросэ потӥсько, отын ик куараме сёто, открепительной удостоверение басьтӥ ни.

_______

Татьяна Ишматова, Кун Кенешысь  Наукая, дышетонъя, культурая, нациосын но егитъёсын ужан политикая ялан ужась комиссилэн тӧроез, «Удмурт Кенеш» ассоциацилэн президентэз:

— Асьмелы, калыклы, сётэмын туж бадӟым право — бырйыны Россилэсь Президентсэ. Куд-огез шуо: бырйыны ӧй мыны ке но, номыр уз воштӥськы. Куара сётыны одно мыноно — гражданин аслэсьтыз позицизэ возьматыны кулэ.

Кӧня асме тодӥсько, котьку но быръёнъёсы пыриськисько. Мыным котьку тунсыко, кин вормоз. Астэ бадӟым политикалэн оглюкетэныз шӧдоно кадь.

Тодӥсько на: Президентэз быръён пумысен милям семьяямы котьку но споръяськон луэ вал. Али сыӵе ченгешонъёс уг кылдо.  80 арессэ ортчем песянае шуэ: таӵе ӟеч улонэз адӟеме ӧй вал на, война гинэ медаз луы. Малпасько, Россимы —  кужмо но азинскись кун, солэн азьветлӥсез но зол мурт луыны кулэ.

___________

Фарит Халитов, Кун Кенешысь депутат, Ува ёросысь «Авангард» СПК-лэн тӧроез:

— Быръён уж — капчи ӧвӧл. Дышетскыны пыриськод-а, бызиськод-басьтӥськод-а — котьку но рос-прос малпаськоно. Россилы Президент быръён пумысен но одно сюлмаськоно. Мон шумпотӥсько, кунамы котькуд удысын ужаны рос-прос  луонлыкъёс вань ке, калык пӧртэм кышкытлыкъёслэсь утемын ке. Котькуд адями ужаны кулэ ас интыяз, кызьы со быгатэ. Котькудӥз шудзэ ачиз дуре.  Соин мон ӵош ужась эшъёсылы но, котырысьтым адямиослы но, семьяосылы но верасько: котькуд гражданин быръёнэ пыриськыны кулэ.

________

Тамара Тихонова, кык полэс олимпийской чемпионка, СССР-ысь спортъя дано мастер:

— Мон оскисько, Россиын улон ӟечгес луоз шуыса. Тани 1990-тӥ  аръёсы ваньмыз куашказ. Шуизы, огшоры калык зарезь дурын шутэтскыны уз быгаты ни, самолётэн лобаны уз кылды ни. Табере, асьтэос чаклалэ ай, улон ӟечгес луэ.

Оскем потэ, сыӵе ик  воштӥськонъёс спорт удысын но луозы шуыса. Республикаын трос ӵошатсконъёс ортчо. Пичиез но, бадӟымез но куас вылэ султэ, вожвылъяське. Нылпи мед азинскоз шуыса, анай-атай зол ужаны кулэ. Угось ульчае кельтэм нылпи ӟеч сюрес вылысь кожыны но быгатоз.  Мынам сюлмаськонэ: нылпиос пичи ӵошат-сконъёсысь бадӟым спортэ мед вуозы.

_______

Константин Никитин, Удмурт театрысь артист, кырӟась:

— Москваын театр училищеын дышетскыкум, огпол но быръёнъёсы ветлыны ӧй тупа. Удмуртиын мукетгес омыр — мылкыд вань куара сётыны. Пропискае гуртын ке но, открепительной удостоверение басьтыса, Ижын быръёнъёсы ветлӥсько.

Монэ туннэ нунал шумпоттэ. Вань улон интые — театрысь егит артистъёслы республикамы выль квартира дунтэк висъяз. Вӧзам яратоно кузпалы но мусо нылы. Нырысь аръёссэ ужакум, пичи уждун ӝожомытэ вал. Берло дыре уждунмы шӧдскымон будӥз, вылаз ик, тэк ке уд пукиськы, вань мукет амал но уксё поттыны. Соин, малпасько, ӵуказе нунал эшшо устогес луоз — сыӵе ик мылкыдын куара сётыны мыно!

Елена Скворцова

Сергей Захаров

 

Удмурт Дунне
By Удмурт Дунне 16 марта, 2018 15:10