Кин луиз «Адӟем карымон адями»?
Ижысь огаз кафеын 1-тӥ тулыспалэ адӟем карымон адямиосты пусйизы. Проектэз радъяз «Мынам Удмуртие» ТРК.
— Конкурсэ оглом 40 адями дэмламын вал, — вера «Мынам Удмуртие» ТРК-ысь корреспондент Светлана Белых. — Ӟырдыт куара сётон мынӥз Н. Кондратьева но О. Никифорова понна: быдэн 2 но ӝыны сюрс куара вуиз. Гожтэтэн-гожтэтэн куараоссэс ысъязы Эгра ёросысь Годекшурысь Н. Леконцева но Эгра ёросысь азьветлӥсь К. Чиркова понна.
Валамон, ваньзэсты пусйыны уг луы. Озьыен, тодматске вормисьёсын.
Кивалтӥсьёс:
Татьяна Витальевна Ишматова — «Удмурт Кенеш» огазеяськонлэн тӧроез,
Владимир Михайлович Соловьёв — культурая но туризмъя министр.
Ужбергатӥсьёс:
Геннадий Семёнович Корепанов — продюсер,
Надежда Георгиевна Леконцева — Эгра ёросысь Годекшурысь ужбергатӥсь.
Наука но дышетон удысын тыршисьёс:
Наталья Владимировна Кондратьева — УдГУ-ысь Удмурт кылосбуръя, финно-угроведениея но журналистикая институтлэн директорез,
Ольга Петровна Никифорова — В. Короленко нимо Глазов пединститутысь кунгожсьӧр но удмурт кылъёсъя кафедраысь доцент,
Александр Григорьевич Шкляев — литератураез эскерись, критик.
Культура но искусство удысын тыршисьёс:
Пантелей Николаевич Кузнецов — Удмуртиысь тодмо крезьгурчи, Уваысь «Купанча» ансамбльлэн кылдытӥсез,
Бекманов Геннадий Иванович — Удмурт Элькунысь калык артист,
Чиркова Капиталина Архиповна — Эгра ёросысь Левой Кушъя гуртысь ужысь ветеран.
Гурт удысын тыршисьёс:
Блинов Владимир Николаевич — Сьӧлта ёросысь «Звезда» эштослэн тӧроез,
Чернова Нина Николаевна — Дэри ёросысь «Правда» совхозысь зоотехник-селекционер.
УД
Тросгес туспуктэмъёс татын.
Let me tell You a sad story ! There are no comments yet, but You can be first one to comment this article.
Write a comment