IFUSCO ортчоз Тартуын

Удмурт Дунне
By Удмурт Дунне Март 1, 2018 10:49

IFUSCO ортчоз Тартуын

2-тӥ-5-тӥ куартолэзе Эстониын ортчоз фин-угор студентъёслэн конференцизы — IFUSCO.

IFUSCO (International Finno-Ugric Students’ Conference) — калыккуспо конференция. Со радъяське фин-угор калыкен но кылъёсын тунсыкъяськись егит студентъёс понна. Конференция огазе люка вуоно филологъёсты, этнографъёсты, фольклористъёсты, историкъёсты, литературоведъёсты, кылысь кылэ берыктӥсьёсты…

1984-тӥ арысен кутскыса, IFUSCO пӧртэм интыосын ортчылэ. Туэ студентъёс пумиськозы Эстониысь Тарту карын. Таиз 34-тӥзэ ортчоз ни.

Егитъёс лыдӟозы дасям докладъёссэс, пыриськозы пӧртэм вераськонъёсы, ужрадъёсы. Туэ конференциез дасясьёс малпало ортчытыны лулчеберетъя ӝыт, Эстониетӥ экскурсиос. Студентъёс Эстониысь йӧскалык музее вуылозы, фин-угор калыкъёс сярысь тужгес бадӟым адӟытонэн тодматскозы.

Соин ик, студентъёс, дыртэлэ! Тросгес тодыны IFUSCO сярысь тӥ быгатӥськоды «ВКонтакте» вотэс бамысь. Ужрадэ пыриськемды потэ ке, ивортэ 20-тӥ южтолэзёзь, конференцилэн вотэс бамаз пырыса.

Ульяна Вахрушева

 

Удмурт Дунне
By Удмурт Дунне Март 1, 2018 10:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<