«Гуртысь эмчи» программая гуртэ вуизы 538 эмчиос

Удмурт Дунне
By Удмурт Дунне Март 29, 2018 14:30

2012-тӥ арысен улонэ пыӵа «Гуртысь эмчи» программа. Куронэз туж огшоры — 5 ар ужано гуртысь больницаын. Та понна сётӥське 1 миллион манет. Та дыр куспын шаерысьтымы гурт больницаосы 538 эмчиос кошкизы ни.

А. Поздеев

Озьы гуртын врачъёслы кулэяськон шорлыдын 16 процентлы кулэсмиз, нош куд-ог ёросъёсын — ог 40 процентозь.

Озьы гуртын врачъёслы кулэяськон шорлыдын 16 процентлы кулэсмиз, нош куд-ог ёросъёсын — ог 40 процентозь. Кылсярысь, Дэриысь ёрос больницае специалистъёс мыло-кыдо мынӥзы.

Кышкан вань: 5 ар ужамзы бере та специалистъёс гуртъёсысь берен кошкозы. Соин ик Кун Кенешысь депутатъёс Москвае ӵектонэн потӥзы вал: 5 аре медаз пыры специалистъёслэн декрет отпускын пукемзы. Эшшо ке улосъёс асьсэос мед чаклалозы, кытчы келяно егит специалистэз. Али егит врач ачиз инты быръе. Но соиз но, таиз но дэмлан пала Россия ӧз дурбасьты.

Со понна та программа пыӵатӥськыны кутскоз пичи городъёсын но, отын улӥсьёсыз 50 сюрслэсь ятыр ӧвӧл ке.

Азьло сямен ик, программае пыриськыны быгато 50 аресозь эмчиос, 1 миллион манетсэс кутыны лэземын ас мылкыд каремзыя, соин одно улон инты басьтыны яке пуктыны кулэ ӧвӧл.

Программа матысь дыре уз йылпумъяськы шуыса оскон бадӟым. Угось гуртъёсы уката трос специалистъёс кулэ луозы, шӧдске. Шара верамын ни: эмъян удысын оптимизация умойтэм лэсьтэмын вал. Али выль курон пуктэмын: 100-200 улӥсен гуртъёсын одно луыны кулэ фельдшер-акушер пунктъёс. Нош талэсь ӧжытгес ке — вуылозы питранъёс вылын эмъян центръёс. Элькунамы соос 2 вань ини.

Элина Кумачёва

Туспуктӥз А. Поздеев

Удмурт Дунне
By Удмурт Дунне Март 29, 2018 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<