Галина Платоновалэн бадӟым концертэз ортчиз

Удмурт Дунне
By Удмурт Дунне Март 1, 2018 12:40

Россиысь дано артистка Галина Платонова.

22-тӥ тулыспалэ Удмурт кун филармонилэн бадӟым залаз уно калык люкаськылӥз — отчы аслаз 65 арес тырмон юбилеяз кунооссэ ӧтчаз Россиысь дано артистка Галина Платонова.

Можга ёросысь Тылойылпочинка гуртын вордскем но Ленинградысь консерваториез йылпумъям нылаш ноку но ӧз малпа, дыр, вань улонзэ «Шулдыр ӝыт» ансамбльын кырӟалоз, солэн кивалтӥсеныз Анатолий Ушаковен улонзэ герӟалоз, дано артистка луоз но удмурт калыкез аспӧртэмлыко чебер куараеныз, шулдыресь, сюлме пырымонэсь кырӟанъёсыныз шулдыртоз шуыса. Табере Галина Иосифовналэн нылыз Наталья Ушакова анай-атаезлэсь мытэм ужзэс азинтэ, «Шулдыр ӝыт» ансамблен кивалтэ но бадӟым сцена вылын кырӟа. Анайзэ ӟечкыласа, со быдэс ӝыт ансамбленыз но Андрей Камалтдинов кузпалыныз но Ева нылыныз кырӟаз.

«Шулдыр ӝыт» ансамбльысь артистъёс Галина Платоновалэсь пӧртэм аръёсысь кырӟанъёссэ, туала амалъя тупатъяса, быдэстӥзы. Нош Наталья Анатольевна, анаезлэсь егит дыръяз сцена вылэ потам дӥсьсэ но дӥсялляса, кырӟаз.

«Шулдыр ӝыт» ансамбльысь артистъёс Галина Платоновалэсь пӧртэм аръёсысь кырӟанъёссэ, туала амалъя тупатъяса, быдэстӥзы.

Дано кырӟасез ӟечкыласьёс трос вал: культурая но туризмъя министр Владимир Соловьёв, филармониен кивалтӥсь Алексей Фомин, Можга ёросысь кивалтӥсьёс, «Удмурт нылкышно кенеш» (Галина Иосифовна та огазеяськонэн ӟеч кусып возе, пӧртэм ужрадъёсы пыриське). Озьы ик ӝытэ лыктэмын вал Галина Платоновалэн «Шулдыр ӝытын» ӵош ужам эшъёсыз, матысь ӵыжы-выжыосыз, гуртоосыз.

Любовь Тихонова

Удмурт Дунне
By Удмурт Дунне Март 1, 2018 12:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<